کراچی(28 جولائی 2025): شہر قائد میں ڈکیتی کے واقعات حالیہ برسوں میں ایک سنگین مسئلہ بن چکا ہے جو شہریوں کے لیے خوف اور عدم تحفظ کا باعث ہے۔
تفصیلات کے مطابق کراچی میں ڈکیتی کے بڑھتے ہوئے واقعات شہریوں کے لیے ایک بڑا چیلنج ہیں، پولیس کی جانب سے ملزمان کی گرفتاری کی کوششیں جاری ہیں، لیکن ناقص تفتیش اور حکومتی خاموشی کی باعث رپورٹ میں اضافہ ہورہا ہے۔
حال ہی میں نارتھ کراچی میں پاور ہاؤس چورنگی کے قریب ڈکیتی مزاحمت پر تھرپارکر کے شہری کو قتل کا واقعہ پیش آیا ہے، نوجوان روزگار کے لیے کراچی میں مقیم تھا۔
پولیس حکام کا اس حوالے سے کہنا تھا کہ نارتھ کراچی میں پاور ہاؤس چورنگی کے قریب ڈکیتی مزاحمت پر قتل موٹر سائیکل سوار ڈاکو صدام نامی شہری کو گولی مار کر فرار ہوگیا۔
لواحقین کا کہنا ہے کہ صدام اپنے کزن خدا بخش کیساتھ بائیک پر خریداری کیلئےگیا تھا، ڈاکوؤں نے روک کر مقتول کے کزن سے لوٹ مار کی، صدام نے بائیک پر بھاگنے کی کوشش کی لیکن ڈاکوؤں نے فائرنگ کردی۔
لواحقین کا کہنا ہے کہ ڈاکوؤں کی فائرنگ سے صدام جاں بحق ہوگیا، تھرپارکر کا صدام کلفٹن کے ایک بنگلے میں ملازم تھا، مقتول کی کچھ ماہ بعد شادی تھی، 3 بھائیوں میں سب سےبڑا تھا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں