پیانگ یانگ: مریکی صدرڈونلڈ ٹرمپ اورشمالی کوریا کے سربراہ کم جونگ کے درمیان مذاکرات ناکام ہونے کے بعدپانچ عہدیداروں کوموت کی سزا دے دی، سزائے موت پانے والوں میں امریکا کیلئے شمالی کوریا کے نمائندہ خصوصی بھی شامل ہیں۔
تفصیلات کے مطابق امریکی صدرڈونلڈ ٹرمپ اورشمالی کوریا کے سربراہ کم جونگ ان کے درمیان مذاکرات کی ناکامی کا نتیجہ شمالی کوریا کے پانچ اعلی حکام کوبھگتنا پڑا۔
امریکی میڈیا کے مطابق شمالی کوریا نے دونوں رہنماؤں کے مذاکرات ناکام ہونے کے بعدپانچ عہدیداروں کوموت کی سزا دے دی، اہلکاروں کو سزائے موت جاسوسی کے الزام میں دی گئی۔
سزائے موت پانے والوں میں امریکا کیلئے شمالی کوریا کے نمائندہ خصوصی بھی شامل ہیں، کم چول شمالی کوریا کے خاص جوہری سفیر تھے جو کہ امریکا میں تعینات تھے، پانچوں عہدیداروں کومارچ میں سزائے موت سنائی گئی تھی۔
خیال رہے شمالی کوریا نے کم فاصلے تک مار کرنے والے دو میزائلوں کا تجربہ کیا، جس پر امریکی صدر نے کہا تھا کہ تجربے سے کوئی بھی خوش نہیں اور امریکا نے شمالی کوریا کا جہاز قبضے میں لے لیا جبکہ شمالی کوریا کے صدر کم جانگ ان نے اپنی فوج کو تیار رہنے کا حکم دیا۔
مزید پڑھیں : کم جونگ نے صدر ٹرمپ سے مذاکرات میں ناکامی کی وجہ بتادی
یاد رہے ٹرمپ اورکم جونگ ان کی ملاقات فروری میں ویتنام میں ہوئی تھی جوبے نتیجہ رہی تھی، کم جونگ ان نے مذاکرات کی ناکامی کہ وجہ ’’امریکا کی بدنیتی’’ قرار دیتے ہوئے کہا تھا صدر ٹرمپ نے ملاقات کے دوران بدنیتی کا مظاہرہ کیا۔
واضح رہے کہ کم جونگ کے حکم پر اس سے قبل بھی کئی اہم حکومتی عہدیداروں کو مختلف الزامات کے تحت سزائے موت دی جا چکی ہے
