The news is by your side.

Advertisement

شمالی کوریا نے میزائل لانچ کی تفصیلات جاری کردیں

پیانگ یانگ : شمالی کوریا نے گزشتہ دنوں کیے جانے والے میزائل تجربوں پر اٹھنے والے سوالات پر میزائل لانچ کی تفصیلات جاری کرکے جواب دے دیا۔

شمالی کوریا کے حکام نے اپنے حالیہ میزائل لانچ کی تفصیلات عام کی ہیں، ملک کی حکمران جماعت ورکرز پارٹی کے اخبار رودونگ سِنمُن نے حکام کے حوالے سے بتایا ہے کہ منگل کی صبح ایک ہائپر سونک میزائل چھوڑا گیا ہے۔

اخبار نے اطلاع دی کہ ملک کے رہنما کِم جونگ اُن نے تجربے کا مشاہدہ کیا، اخبار کے مطابق کِم نے کہا کہ ملک کو اپنی دفاعی صلاحیت مضبوط کرنے کے لیے فوجی قوت بڑھانے کی ضرورت ہے۔

اخبار میں مضمون کے ساتھ شائع کی گئی تصاویر سے پتہ چلتا ہے کہ موبائل لانچر سے ایک میزائل فائر کیا گیا۔ اخبار نے بتایا کہ میزائل نے ایک ہزار کلومیٹر کی پرواز کے بعد اپنے مطلوبہ ہدف کو نشانہ بنایا۔

شمالی کوریا کے ایک الگ دعوے کے مطابق گزشتہ بدھ کو چھوڑا گیا میزائل بھی ہائپر سونک تھا، جس کی رفتار آواز کی رفتار سے 5 گنا تیز تھی۔

مزید پڑھیں : جنوبی کوریا نے شمالی کوریا کے میزائل تجربے پر سوالات اٹھا دیئے

جنوبی کوریا کے دفاعی عہدیداروں نے دونوں میزائل تجربات کا موازنہ کرتے ہوئے کہا ہے کہ گزشتہ ہفتے چھوڑا گیا میزائل اپنی پرواز کے کچھ حصے میں ہی ہائپرسونک رفتار پر پہنچا تھا۔

انہوں نے بتایا کہ تازہ ترین میزائل کی رفتار پچھلے سے دو گنا تھی اور وہ زیادہ دور تک گیا ہے۔ گزشتہ سال شمالی کوریا نے پنج سالہ دفاعی منصوبے کا اعلان کیا تھا، جس میں مختلف اقسام کے میزائلوں کی تیاری شامل تھی۔

Comments

یہ بھی پڑھیں