The news is by your side.

Advertisement

شمالی کوریا کا نیا میزائل تجربہ، امریکا کا ردعمل

واشنگٹن: امریکا نے شمالی کوریا کے نئے میزائل تجربے کو عالمی برادری کے خطرہ قرار دے دیا۔

تفصیلات کے مطابق امریکا نے کہا ہے کہ اسے شمالی کوریا کے حالیہ میزائل تجربے کے تعلق سے اطلاع موصول ہوئی ہے اور وہ اس طرح کی سرگرمیوں کو عالمی برادری کے لیے خطرہ سمجھتا ہے۔

کورین سینٹرل نیوز ایجنسی ( کے سی این اے) نے پیر کی صبح کو بتایا کہ شمالی کوریا نے ہفتے کے آخر میں طویل فاصلے تک مار کرنے کی صلاحت رکھنے والے ایک نئی طرح کے کروز میزائل کا تجربہ کیا ہے۔

امریکی محکمہ دفاع ’پینٹاگون‘ نے کہا کہ ہم ڈی پی آر کے کروز میزائل لانچ ہونے کی رپورٹ سے آگاہ ہیں، ہم صورت حال پر نظر رکھیں گے اور اپنے اتحادیوں اور شراکت داروں کے ساتھ بات چیت کر رہے ہیں۔

پینٹاگون نے شمالی کوریا کی عسکری سرگرمیوں کو ’اپنے پڑوسیوں اور عالمی برادری کے لیے خطرے‘ کو بڑھانے والا قرار دیا اور کہا کہ امریکا جنوبی کوریا اور جاپان کی حفاظت کے لیے پرعزم ہے۔

کے سی این اے کے مطابق شمالی کوریا نے ہفتے اور اتوار کو نئے میزائلوں کا تجربہ کیا، طویل فاصلے تک مار کرنے والے ان کروز میزائلوں نے ہدف کو نشانہ بنانے سے پہلے 1500 کلومیٹر (932 میل) اڑان بھری، دو سال کی تیاری اور تحقیق کے بعد کیا گیا یہ تجربہ کامیاب رہا۔

Comments

یہ بھی پڑھیں