شمالی کوریا کے سربراہ کم جونگ اُن نے جنگی تیاریوں کو تیز کرنے کا حکم دیا ہے۔
شمالی کوریا کے رہنما کم جونگ اُن نے ملک کے مغرب میں ایک بڑے ملٹری آپریشن کے اڈے پر فوجیوں کا معائنہ کرنے کے بعد جنگ کے لیے تیاری کو تیز کرنے کا حکم دیا ہے۔
سرکاری طور پر چلنے والی کورین سنٹرل نیوز ایجنسی (KCNA) نے جمعرات کو اپنی رپورٹ میں اڈے کا مقام ظاہر نہیں کیا۔
رپورٹ کے مطابق شمالی کوریا کے رہنما نے کہا کہ فوج کو موجودہ صورت حال کے تقاضوں کے مطابق جنگی تیاریوں کو تیز کرنے کے لیے متحرک طور پر ایک نئے دور کا آغاز کرنا چاہیے۔
انہوں نے مزید کہا کہ ہماری فوج کو حقیقی جنگی مشقوں کو مستقل طور پر تیز کرنا چاہیے جس کا مقصد کامل جنگی تیاریوں کے لیے اپنی جنگی صلاحیتوں کو تیزی سے بہتر کرنا ہے۔
کم کا یہ دورہ اس وقت ہوا جب امریکا اور جنوبی کوریا کی افواج اپنی سالانہ فریڈم شیلڈ بڑے پیمانے پر فوجی مشقیں جاری رکھے ہوئے ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں