شمالی کوریا : پیانگ یانگ نامی چڑیا گھر کی چمپانزی جو راتوں رات اسٹار بن گئی ، سگریٹ پینے والی چمپانزی جو دن میں کم و بیش سگریٹ کا ایک پیکٹ پیتی ہے۔
چڑیا گھر میں 19 سالہ چمپانزی "ازالی” جو ایک چین اسموکر ہے اور دن میں 20 سگریٹ پی جاتی ہے جبکہ اسکو سگریٹ جلانے کے فن میں بھی مہارت حاصل ہے، چمپانزی کی دیکھ بھال کرنے والے بھی سیاحوں میں اضافے کو دیکھتے ہوئے اسکو سگریٹ پینے سے منع نہیں کرتے۔
یہ چمپانزی باقاعدگی سے سگریٹ نوشی کرتی ہے اور جب اسے سگریٹ کی طلب محسوس ہوتی ہے، تو اپنے ٹرینر کو لائٹر اپنے پاس پھینکنے کا اشارہ کرتی ہے اور اگر اسے لائٹر دستیاب نہ ہو، تو وہ جلے ہوئے سگریٹ کو نیا سگریٹ جلانے کے لیے استعمال کرتی ہے۔
حکام کا کہنا ہے کہ چمپانزی ازالی سگریٹ کے دھویں کو اندر نہیں لے کر جاتی بلکہ کش لینے کے بعد دھویں کو باہر نکال دیتی ہے اور صرف تفریحاً سگریٹ نوشی کرتی ہے۔
حال ہی میں تزئین و آرائش کے بعد اس چڑیا گھر میں روزانہ ہزاروں سیاح آتے ہیں، چڑیا گھر میں مختلف پر کشش جانور ہے لیکن چین اسموکر ’’ازالی‘‘ زیادہ تر سیاحوں کی توجہ کا مرکز ہے۔
بعض سیاحوں نے چڑیا گھر کی انتظامیہ کی جانب سے بندریا کو سگریٹ نوشی کی اجازت دینے پر غم و غصے کا اظہار کیا ہے جبکہ بعض افراد اس پر خوش دکھائی دیتے ہیں۔