میر علی : شمالی وزیرستان کے علاقے میر علی میں سیکیورٹی فورسز نے خوارج کے خودکش حملے کی کوشش ناکام بناتے 4 خوارجیوں کو جہنم واصل کردیا۔
تفصیلات کے مطابق شمالی وزیرستان کے علاقے میر علی میں خوارج کی جانب سے سیکیورٹی فورسز پر خودکش حملے کی کوشش ناکام بنا دی گئی۔
سیکیورٹی ذرائع نے بتایا کہ ایک خوارجی نے بارود سے بھری گاڑی فورسز کے کیمپ کی دیوار سے ٹکرائی، جس سے دیوار کو نقصان پہنچا۔
ذرائع کا کہنا تھا کہ اس کے بعد تین مزید خوارجیوں نے کیمپ میں داخل ہونے کی کوشش کی تاہم ورسز کی دلیرانہ کارروائی میں تینوں خوارجی کیمپ کے باہر ہی ہلاک کر دیئے گئے۔
ذرائع کے مطابق خوارجیوں کے حملے میں سیکیورٹی فورسز کا کسی قسم کاکوئی نقصان نہیں ہوا۔
ذرائع نے کہا کہ سیکیورٹی اداروں کے مطابق پچھلے دو روز کے دوران افغان طالبان کے حمایت یافتہ مجموعی طور پر 88 خوارج کو جہنم واصل کیا جا چکا ہے، افواجِ پاکستان اور قانون نافذ کرنے والے ادارے آخری خوارجی کے خاتمے تک ڈٹے رہیں گے۔
لئیق الرحمن دفاعی اور عسکری امور سے متعلق خبروں کے لئے اے آروائی نیوز کے نمائندہ خصوصی ہیں