اوسلو(14 جولائی 2026): فیفا ورلڈ کپ سے باہر ہونے کے باوجود ناروے کے دارالحکومت اوسلو میں ایک لاکھ سے زائد مداح اپنی فٹ بال ٹیم کا استقبال کرنے کے لیے سڑکوں پر نکل آئے۔
ہفتے کے روز انگلینڈ کے خلاف 1-2 کی شکست کے بعد کوارٹر فائنل میں ناروے کا تاریخی سفر ختم ہو گیا تھا، جس سے سیمی فائنل میں پہنچنے کا خواب تو ٹوٹ گیا لیکن اس کے باوجود ملک بھر میں ٹیم کا ہیروز کی طرح استقبال کیا گیا۔
ناروے کی ٹیم جب ایئرپورٹ پر اتری تو روایتی واٹر کینن سلامی کے ساتھ ان کا استقبال کیا گیا، جس کے بعد دارالحکومت میں ان کی وطن واپسی کی پریڈ کا آغاز ہوا۔
The national team is parading through Oslo in an open-top bus from the Royal Palace to City Hall, as people line the streets to celebrate Norway’s historic World Cup achievement. pic.twitter.com/aAXJn7Z6vk
— Joakim 🌹🇳🇴🇪🇺 (@joakial_) July 13, 2026
شاہی گارڈز کی موجودگی میں ٹیم نے محل کی سیڑھیوں سے مداحوں کا شکریہ ادا کیا۔ تاہم، اسٹار اسٹرائیکر ارلنگ ہالینڈ جلدی روانگی کے باعث جشن کے آخری لمحات کا حصہ نہ بن سکے۔
ان کے جلدی چلے جانے کی وجہ سے وہ اپنے ساتھیوں کے ساتھ محل کی سیڑھیوں پر کھڑے ہو کر ہزاروں مداحوں کے ساتھ آخری روایتی Viking row جشن میں شامل نہ ہو سکے، جس کی قیادت ولی عہد کراؤن پرنس ہاکون خود ڈرم بجا کر کر رہے تھے۔
