معروف گلوکار شہزاد رائے نے اپنی عمر پر حیرت کا اظہار کرنے والے مداحوں کو دلچسپ جواب دے دیا۔
شہزاد رائے کے مداح اکثر اس بات پر حیرت کا اظہار کرتے ہیں کہ ان کے چہرے پر بڑھتی عمر کے کوئی اثرات نظر نہیں آرہے بلکہ اکثر یوں محسوس ہوتا ہے کہ وہ ہر گزرتے دن کے ساتھ جوان ہوتے جارہے ہیں۔
اب حال ہی میں انہوں نے ٹویٹر پر اپنی پرفائل پکچر تبدیل کی جس کے بعد ایک بار پھر اسی نوعیت کے تبصروں کا طوفان آگیا۔
#NewProfilePic pic.twitter.com/OFG5j3PKjW
— Shehzad Roy (@ShehzadRoy) November 29, 2022
ایک مداح نے ان کے ساتھ اپنی تصویر پوسٹ کرتے ہوئے لکھا کہ میں اس دوران گنجا اور بوڑھا ہوچکا ہوں اور میری پیٹھ میں بھی درد رہنے لگا ہے، لیکن آپ ویسے کے ویسے ہی ہیں، یہ کیا جادو ہے۔
Between this and now, I have gotten bald, grown old and have now a recurring backache. And you haven’t changed sir. What is this sorcery! pic.twitter.com/ylLX9VUY09
— Husham Ahmed (@hushamahmed) November 29, 2022
اس پر شہزاد رائے نے جواب دیا کہ میں 44 سال کا ہوں، اکثر لوگ 44 سال کی عمر میں بھی جوان دکھائی دیتے ہیں، میں کوئی خون آشام (ویمپائر) نہیں ہوں۔
گلوکار نے لکھا کہ بوڑھا ہونا قدرتی ہے، لیکن بڑا ہونا آپ کا اپنا انتخاب ہے۔
I am 44 years old .. most people at 44 look like this and I am not a vampire because they are pain in the neck. Growing old is compulsory, growing up is optional. https://t.co/0GmaoAc4A0
— Shehzad Roy (@ShehzadRoy) November 30, 2022
ان کے اس ٹویٹ پر دیگر مداحوں نے مزید دلچسپ جوابات دیے۔
خیال رہے کہ ماضی کے معروف گلوکار شہزاد رائے آج کل فلاحی سرگرمیوں میں مصروف ہیں اور ملک بھر میں تعلیم کے فروغ کے لیے کام کر رہے ہیں۔
