The news is by your side.

Advertisement

لاک ڈاؤن کی طرف نہیں جا رہے،فردوس عاشق اعوان

اسلام آباد: معاون خصوصی برائے اطلاعات فردوس عاشق اعوان کا کہنا ہے کہ لاک ڈاؤن کی طرف نہیں جا رہے، لاک ڈاؤن کی طرف گئے تو اس کا نقصان بھی ہوسکتا ہے۔

تفصیلات کے مطابق اے آروائی نیوز سے گفتگو کرتے ہوئے کہا کہ معاون خصوصی برائے اطلاعات فردوس عاشق اعوان نے کہا کہ وزیراعظم واضح کہہ چکےہیں ہماری معاشی صورت حال مختلف ہے۔

انہوں نے کہا کہ ہماری معاشی صورت حال یورپ یا چین جیسی نہیں ہے، ہماری ذمہ داری ہے عوام کے جان ومال کی حفاظت یقینی بنائیں، لاک ڈاؤن ہوگا تو عوام کو فوڈ اور جاب سیکیورٹی جیسے ایشو ہوسکتے ہیں، لاک ڈاؤن کو ڈیلی ویجز ملازمین برداشت نہیں کرسکتے۔

ڈاکٹر فردوس عاشق اعوان کا کہنا تھا کہ ویڈیو کانفرنس میں لاک ڈاؤن سے متعلق گفتگو ہوئی تھی، ویڈیو کانفرنس میں لاک ڈاؤن سے متعلق اختلاف کیا گیا تھا۔

انہوں نے کہا کہ طے ہوا تھا جو بھی فیصلہ ہوگا وہ ملک بھر میں ہوگا، وزیراعظم کہہ چکے ہیں کرونا کے خلاف ہم نے مل کر لڑنا ہے، روزانہ کی بنیاد پر عوام کو صورت حال سے آگاہ کیا جائےگا۔

معاون خصوصی کا کہنا تھا کہ کرونا سے نمٹنے کے لیے ایک مکمل اسٹریٹیجی بنائی گئی ہے، اس وقت لاک ڈاؤن کی طرف نہیں جا رہے،لاک ڈاؤن کی طرف گئے تو اس کا نقصان بھی ہوسکتا ہے۔

ڈاکٹر فردوس عاشق اعوان نے مزید کہا کہ وزیراعظم عمران خان منگل کو معاشی پیکج کا اعلان کرنے جا رہے ہیں، معاشی صورت حال کو بھی دیکھنا ہے۔

fb-share-icon0
Tweet 20

Comments

comments

یہ بھی پڑھیں