The news is by your side.

Advertisement

ضابطہ اخلاق کی خلاف ورزی: شہباز شریف سمیت 31 رہنماؤں کو نوٹس جاری

فیصل آباد: صوبہ پنجاب کے شہر فیصل آباد میں ضابطہ اخلاق کی خلاف ورزی پر شہباز شریف سمیت مسلم لیگ ن کے 31 رہنماؤں کو نوٹس جاری کردیا گیا۔

تفصیلات کے مطابق ڈپٹی کشمنر کی جانب سے جاری کردہ نوٹس میں شہباز شریف کے علاوہ رانا ثنا اللہ اور عابد شیر علی کے نام بھی شامل ہیں۔

نوٹس میں کہا گیا ہے کہ شہباز شریف نے پابندی کے باوجود گزشتہ رات سڑک پر جلسہ کیا۔ رہنما حکومتی احکامات پر عمل درآمد کرنے میں ناکام رہے۔

نوٹس کے مطابق سلیمی چوک میں جلسہ کر کے سڑک بلاک کرنے سے روکا گیا تھا، اقدام سے الیکشن ضابطہ اخلاق کی 5 دفعات کی خلاف ورزی کی گئی۔ سڑک بلاک ہونے سے عوام کو مشکلات پیش آئیں جبکہ امن و امان میں خرابی بھی پیدا ہوئی۔

نوٹس میں کہا گیا کہ لیگی رہنما 23 جولائی کو ڈپٹی کمشنر کے پاس پیش ہو کر تحریری جواب داخل کریں۔ پیش نہ ہونے پر تمام لیگی رہنماؤں کے خلاف الیکشن ایکٹ کے تحت کارروائی ہوگی۔

ڈپٹی کمشنر نے نوٹس کی کاپیاں الیکشن کمیشن اور پولیس کو بھی ارسال کردی ہیں۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں