The news is by your side.

Advertisement

ترکی میں کشتی غرقابی کا واقعہ، پاکستانیوں کی موت کا نوٹس

اسلام آباد: ترکی میں غیر قانونی تارکین وطن کی کشتی ڈوبنے کے واقعے میں دو پاکستانیوں کی موت کا نوٹس لے لیا گیا۔

تفصیلات کے مطابق غیرقانونی طور پر یورپ جانے کی خواہش میں دو پاکستانی بھی جان سے ہاتھ دھو بیٹھے، چیئرمین سینیٹ قائمہ کمیٹی برائے داخلہ نے کشتی حادثے میں پاکستانیوں کی موت کا نوٹس لے لیا۔

چیئرمین کمیٹی نے پاکستانی سفیر اور ڈی جی ایف آئی اے ودیگر سے واقعے کی تفصیلات طلب کرلیں۔

چیئرمین کمیٹی کا کہنا ہے کہ ترکی میں کشتی ڈوبنے سے 2پاکستانی جاں بحق اور 11 زخمی ہوئے، کشتی میں 71افراد سوار تھے، 23پاکستانی بھی تھے جو پریشان کن بات ہے، وزارت خارجہ پھنسے پاکستانیوں کی بحفاظت واپسی کا بندوبست کرے۔

ترکی: کشتی ڈوبنے سے دو پاکستانی بھی جاں بحق ہوئے، دفتر خارجہ کی تصدیق

خیال رہے کہ دو روز قبل دفتر خارجہ کی ترجمان عائشہ فاروقی نے ترکی میں کشتی ڈوبنے کے نتیجے میں دو پاکستانیوں کے جاں بحق ہونے کی تصدیق کی تھی۔

دفتر خارجہ کی جانب سے جاری ہونے والے اعلامیے میں بتایا گیا تھا کہ ترکی کے صوبے بیتلیس میں مہاجرین کی کشتی کو گزشتہ روز حادثہ پیش آیا جس کے نتیجے میں دو پاکستانیوں کے جاں بحق ہونے کی تصدیق ہوئی۔

ترجمان دفتر خارجہ کا کہنا تھا کہ ترک حکام سے موصول ہونے والی اطلاعات کے مطابق کشتی پر مختلف ممالک سے تعلق رکھنے والے 71 افراد سوار تھے، جن میں سے مقتولین کو ملا کر 25 پاکستانی بھی تھے۔

Comments

یہ بھی پڑھیں