ایس ای سی پی کی کمپنیوں کو پراکسی فارم اردو میں شائع کرنے کی ہدایت -
The news is by your side.

Advertisement

ایس ای سی پی کی کمپنیوں کو پراکسی فارم اردو میں شائع کرنے کی ہدایت

اسلام آباد : سیکورٹیز اینڈ ایکسچینج کمیشن ( ایس ای سی پی ) نے شیئر کیپٹل رکھنے والی تمام کمپنیوں ، چاہے وہ شیئر کیساتھ لمیٹڈ ہوں یا گارنٹی لمیٹڈ، کو ہدایت کی ہے کہ وہ کمپنی کے اجلاس منعقد کرنے کے لئے ممبران کو بھیجے جانے والے نوٹس کے ہمراہ بھیجی جانے والی پراکسی دستاویزکو انگریزی کے ساتھ ساتھ اردو میں بھی بھیجیں ۔

کمپنی کے اجلاس کیساتھ پراکسی دستاویز بھیجنے کی شرط کمپنیز آرڈیننس 1984ء کے پہلے شیڈول کے ٹیبل ۔اے کے پیرا 39 میں درج ہے ۔

اس شرط کے مطابق کمپنی کے تمام ممبران کو کمپنی کے ہر اجلا س میں شرکت کے نوٹس کے ساتھ ایک پراکسی دستاویز بھی بھیجی جاتی ہے ۔

اس پراکسی دستاویز ( سلپ) کے ذریعے ممبر اپنی جگہ کسی قائم مقام کو نمائندگی کے لئے بھیج سکتا ہے جو کہ ممبر کی جگہ اجلاس میں خیالات کا اظہار کر سکتا ہے اور ووٹ بھی ڈال سکتا ہے۔

ایس ای سی پی ایسے اقدام لے رہا ہے جس سے سرمایہ کاروں کو آسانی ہو اور وہ ریگولیٹری ضروریات اور اپنےحقوق کو بہتر طریقے سے سمجھ سکیں۔

Comments

comments

یہ بھی پڑھیں