پنجاب اور خیبرپختونخوا کے بعد وفاقی دارالحکومت کے نجی اسکولز بھی 7 جون سے کھولنے کا فیصلہ کیا گیا ہے۔
تفصیلات کے مطابق اسلام آباد کے نجی تعلیمی ادارے بھی7 جون سے کھولے جائیں گے اور اس سلسلے میں وزارت تعلیم کے ذیلی ادارے پیرا نے نوٹیفکیشن جاری کر دیا ہے۔
نوٹیفکیشن میں میں کہا گیا ہے کہ اسلام آباد نے نجی تعلیمی اداروں میں 7 جون پیر سے تدریس کا عمل شروع ہو جائے گا تاہم ایس او پیز پر عمل کرنا لازمی ہوگا۔
اس سے قبل پیرا نے اعلان کیا تھا کہ نویں اور دسویں جماعت کا انگلش ، اسلامیات ، مطالعہ پاکستان اور اردو کا امتحان نہیں ہو گا البتہ باقی جو چار مضامین ہیں ان کے امتحان ہوں گے ۔
پیرا کے مطابق گیارہویں اور بارہویں کے لازمی مضامین مطالعہ پاکستان ، انگلش، اردو اور اسلامیات کے امتحانات نہیں ہوں گے۔
نویں ، دسویں ، گیارہویں اور بارہویں جماعت کے امتحانات کی ڈیٹ شیٹ متعلقہ بورڈز اپنے شیڈول کے مطابق جاری کریں گے۔
خیال رہے پنجاب حکومت نے 7 جون سے صوبے بھر کے تمام اسکولز کھولنے کا نوٹیفکیشن جاری کردیا ہے ، محکمہ اسکول ایجوکیشن کی جانب سے جاری نوٹیفکیشن کے مطابق تعلیمی ادارے ہفتے میں 4 دن کھولےجائیں، تعلیمی ادارےمیں ایک دن میں50فیصدحاضری ہوگی۔
نوٹیفکیشن میں واضح کیا گیا ہے کہ تعلیمی ادارےمکمل ایس اوپیز کے تحت کھولےجائیں گے۔
