The news is by your side.

Advertisement

انسٹاگرام نے زبردست فیچر متعارف کرا دیا

 

دنیا بھر میں استعمال ہونے والی معروف ویڈٰیو اینڈ فوٹو شیئرنگ ایپلی کیشن انسٹاگرام نے اپنے صارفین کے لیے ایک زبردست فیچر متعارف کرا دیا ہے۔

انسٹا گرام صارفین کے لیے اسٹوریز پر ردِ عمل کا اظہار کرنے کے طریقہ کار میں تبدیلی لا رہا ہے۔ انسٹا گرام نے صارفین کے لیے پرائیویٹ اسٹوری لائک (Private Story Like) کا فیچر متعارف کرا دیا ہے۔

اس فیچر کے ذریعے صارف براہ راست پیغام ارسال کیے بغیر اسٹوری پر اپنے ردِ عمل کا اظہار کر سکتا ہے۔ انسٹا گرام نے اسی کے ساتھ اسٹوریز شیئر کرنے کا آپشن بھی دے دیا ہے۔

اپ ڈیٹ کے حوالے سے انسٹا گرام کے سربراہ ایڈم موسیری کا کہنا ہے کہ ”آج سے آپ براہ راست پیغام بھیجے بغیر ہی لوگوں کی استوریز کو پسند کر کے کچھ لکھ سکتے ہیں، اسٹوریز پر لائکس پرائیویٹ ہوتے ہیں اور ان کی کوئی گنتی نہیں ہوتی۔

اب لائک کے بٹن پر ٹیپ کرنے پر صارفین کا ردِ عمل براہ راست پیغام کے طور پر نہیں جائے گا جب کہ نجی اسٹوریز پر کاؤنٹس کی تعداد کو بھی ظاہر نہیں کیا جائے گا، لائکس کو ویور شیٹ میں دیکھا جا سکے گا۔

Comments

یہ بھی پڑھیں