The news is by your side.

Advertisement

وزیراعظم نے قومی سلامتی کمیٹی کا اجلاس آج طلب کرلیا

اسلام آباد : وزیراعظم نے قومی سلامتی کمیٹی کا اجلاس آج طلب کرلیا گیا ہے، اجلاس میں علاقائی سلامتی اور کنڑول لائن پر بھارتی جارحیت کا معاملہ زیرغورآئے گا۔

تفصیلات کے مطابق قومی سلامتی کمیٹی کا اجلاس آج طلب کرلیا گیا ہے، وزیر اعظم شاہد خاقان عباسی قومی سلامتی کمیٹی کے اجلاس کی صدارت کریں گے۔

اجلاس میں تینوں مسلح افواج کے سربراہان شرکت کریں گے جبکہ وزرائے داخلہ،خارجہ اور دفاع بھی موجود ہوں گے۔

قومی سلامتی کمیٹی کے اجلاس میں علاقائی سلامتی، مقبوضہ کشمیر میں کشمیریوں پر بھارتی جارحیت اور قومی داخلی سلامتی کے حوالے سے امور زیر غور آئیں گے اور قومی وداخلی سلامتی کے معاملات پر بھی بریفنگ دی جائے گی۔

وزیراعظم فلسطینیوں پر مظالم کےخلاف او آئی سی کے ترکی میں ہنگامی اجلاس میں شرکت سے متعلق بھی کمیٹی کو اعتماد میں لیں گے۔

یاد رہے کہ اسی ہفتے 14 مئی کو نواز شریف کے ممبئی حملوں پر بیان کے بعد وزیراعظم کی زیرصدارت قومی سلامتی کمیٹی کا اجلاس ہوا تھا، جس میں نوازشریف کابیان متفقہ طور پر مسترد کردیا گیا تھا اور نوازشریف کے بیان کو غلط اور گمراہ کن قرار دیا تھا۔

اجلاس میں شرکاء کی جانب سے  بھی متفقہ طور نواز شریف کے بیان کی مذمت کی گئی تھی اور کہا گیا تھا کہ حقیقت کو پس پشت ڈال کرذاتی ،جھوٹی اختراعات کومسترد کرتے ہیں، بھارت نے تفتیش کے دوران متعدد بار تعاون سے انکار کیا، بھارت نے مرکزی ملزم تک رسائی دینے سے بھی انکار کیا۔


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

Comments

comments

یہ بھی پڑھیں