The news is by your side.

Advertisement

نیلم جہلم ٹرانسمیشن لائن کا دوسرا فیز بھی مکمل

نیشنل ٹرانسمیشن اینڈ ڈسپیچ کمپنی لمیٹڈ(این ٹی ڈی سی) نے 133 کلومیٹر طویل 500 کے وی نیلم جہلم ڈبل ‏سرکٹ ٹرانسمیشن لائن کےدوسرے فیز کو کامیابی کے ساتھ مکمل کرکے انرجائز کردیا۔

‏969 میگاواٹ نیلم جہلم ہائیڈرو پاور پراجیکٹ سے پیدا ہونے والی بجلی براہ راست 500 کے وی نوکھر (نیو گھکڑ) ‏گرڈ سٹیشن کو پہنچائی جائے گی جو لوڈ سنٹرز کے قریب ہے۔ترجمان این ٹی ڈی سی نے کہا ہے کہ نیلم جہلم ‏ٹرانسمیشن لائن دو مرحلوں میں مکمل کی گئی ہے۔ پہلے مرحلے میں نیلم جہلم پاور ہاؤس سے ڈومیلی (نزد ‏روات) تک 152 کلومیٹرٹرانسمیشن لائن 2018 میں مکمل کی گئی ۔ دونوں مرا حل مکمل ہونے پر ٹرانسمیشن کی ‏کل لمبائی 285کلو میٹر ہوگئی ہے قبل ازیں 969میگاواٹ نیلم جہلم ہائیڈرو پاور پراجیکٹ بجلی کی ترسیل 500کے ‏وی گرڈ سٹیشن روات تک ترسیل کی جارہی تھی۔ ‏

ترجمان کے مطابق نیلم جہلم ہائیڈرو پاور پراجیکٹ سےبجلی کی ترسیل کے علاوہ، این ٹی ڈی سی نے نیلم جہلم ‏تا نوکھر ٹرانسمیشن لائن کے ساتھ لوپنگ کے ذریعے720میگاواٹ کروٹ ہائیڈرو پاور کو بھی منسلک کردیا ہے۔ ‏کروٹ ہائیڈرو پاور پراجیکٹ کی ٹیسٹنگ جاری ہےجس کے مکمل ہوتے ہی جلد 720 میگاواٹ سستی توانائی قومی ‏گرڈ میں شامل کر دی جائے گی۔نتیجتاً گوجرانوالہ، سیالکوٹ اور گردونواح کے اضلاع کے لوڈ مینجمنٹ کے مسائل ‏پر قابو پا لیا جائے گا۔ ‏

مزید برآں، پن بجلی کا اضافہ لوڈ سنٹرز پر سسٹم میں استحکام اور وولٹیج پروفائل کو بہتر بنانے میں کلیدی کردار ‏ادا کرے گا۔

Comments

یہ بھی پڑھیں