The news is by your side.

Advertisement

بھارت کا کروز میزائل تجربہ چوتھی بار ناکام

نئی دہلی : بھارت کانیوکلیئر وارہیڈز لے جانے کی صلاحیت رکھنے والے کروز میزائل ’نِربھے‘ کا تجربہ چوتھی بار ناکام ہوگیا۔

تفصیلات کےمطابق بھارتی ریاست اڑیسہ کے ساحل سے دور بیلاسور کے ٹیسٹ رینج سے فائر کیا جانے والا میزائل ہوا میں ہی اپنا رُخ تبدیل کرنے کے بعد ہدف تک پہنچنے سے قبل ہی تباہ ہوگیا۔

سوپر سونک نربھے میزائل کا پہلا تجربہ مارچ 2013 میں کیا گیا لیکن وہ ناکام رہا جس کے بعد بھارت مسلسل کروز میزائل کےتجربات میں ناکام رہا۔

بھارتی میڈیا کے مطابق پاکستان کے کروز میزائل’بابر‘ کے مقابلے میں نربھے میزائل کا تجربہ کیاگیا تھا تاہم بھارتی سائنسدانوں کو اس میں مسلسل ناکامی کا سامنا ہے۔

بھارت کی ’ڈیفنس ریسرچ اینڈ ڈویلپمنٹ آرگنائزیشن‘ کو کروز میزائل کے میدان میں مسلسل ناکامی کا سامنا ہے۔

واضح رہے کہ بھارتی مسلح افواج کے پاس روس کی مدد سے تیار کردہ سپرسونک ’براہ موز‘ کروز میزائل تو موجود ہے، جس کی رینج 290 کلو میٹر ہے۔

Print Friendly, PDF & Email

Comments

comments

یہ بھی پڑھیں