واشنگٹن: امریکا میں دنیا کو جوہری ہتھیاروں سے پاک کرنے سے متعلق کانفرنس کا آغاز ہوگیا، اس کانفرنس میں 40 سے زائد ممالک شریک ہیں۔
تفصیلات کے مطابق امریکا میں شروع ہونے والی کانفرنس میں 40 سے زائد ممالک کے جوہری عدم پھیلاؤ اور تخفیف اسلحہ کے ماہرین اپنے خیالات کا اظہارکریں گے۔
غیر ملکی خبر رساں ادارے کے مطابق دنیا کو جوہری ہتھیاروں سے پاک بنانے کی سمت میں کام کرنے کے لیے امریکا میں دو روزہ کانفرنس کا آغاز ہوگیا ہے۔
امریکی وزارت خارجہ کی جانب سے جاری ایک بیان میں کہا گیا کہ دنیا کے 40 سے زائد ممالک کے جوہری عدم پھیلاؤ اور تخفیف اسلحہ کے ماہرین جوہری ترک اسلحہ کے اہداف کو حاصل کرنے کے لیے ایک ماحول بنانے پر اپنے اپنے خیالات کا اشتراک کریں گے۔
اس کانفرنس میں جوہری ہتھیار رکھنے والے ممالک اور جن ممالک کے پاس جوہری ہتھیار نہیں ہیں، ان کے علاوہ وہ ملک بھی حصہ لیں گے جنہوں نے جوہری عدم پھیلاؤ معاہدے پر دستخط نہیں کیے ہیں۔
ایران کو جوہری ہتھیاروں کا حامل نہیں دیکھنا چاہتے، امریکی صدر
دنیا کو جوہری ہتھیاروں سے پاک بنانے سے متعلق امریکا کی جانب سے کانفرنس ایسے میں شروع ہوئی ہے کہ خود امریکا کے پاس سب سے زیادہ ایٹمی ہتھیار ہیں اور وہ عالمی قوانین کی دھجیاں اڑا رہا ہے۔ جبکہ امریکی حمایت کی وجہ سے اسرائیل کے پاس بھی سیکڑوں ایٹمی وار ھیڈز ہیں لیکن ان کے خلاف کسی بھی قسم کی کوئی کارروائی نہیں ہوتی۔
