واشنگٹن : امریکہ نے نیوکلیئر گریویٹی بم کا کامیاب تجربہ کرلیا، یہ تجربہ امریکی ریاست نیو اڈا میں کیا گیا۔
روسی ٹی وی سے نشر ہونے والی تفصیلات کے مطابق امریکہ نے نیوکلیئر بم B 61 12 کا کامیاب تجربہ امریکی ریاست نیواڈا میں کیا۔
یہ تجربہ این این ایس اے اور امریکی ائر فورس نے مشترکہ طور پر کیا۔ بم گرانے کے اس عمل کو جدید گریویٹی نیوکلیئر بم کا نام دیا گیا ہے۔ یہ بم ایف 16 کے ذریعے با ٓسانی گرایا جا سکتا ہے۔
امریکی حکام کا کہنا تھا کہ بہت جلد یہ بم نیٹو فورسز کو فراہم کردئیے جائیں گے.
واضح رہے کہ جمعرات کی شام سات بجے امریکہ کی جانب سے افغانستان میں دنیا کا سب سے بڑا نان نیوکلیئر بم ایم او اے بی گرایا گیا تھا۔
علاوہ ازیں شمالی کوریا کی جانب سے ممکنہ طور پر ایٹمی تجربہ کا بھی امکان ہے، تاہم مبصرین امریکہ کے اس نیوکلیئر گریویٹی بم کے تجربے کو بھی شمالی کوریا کے ساتھ حالیہ امریکی کشیدگی کے تناظر میں دیکھ رہے ہیں۔
