تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

امریکا کی حمایت کے باوجود بھارت کا نیوکلیئر سپلائر بننے کا خواب چکنا چور

نئی دہلی : امریکا کی حمایت کے باوجود بھارت کا نیوکلیئر سپلائر گروپ کا ممبر بننے کا خواب چکنا چور ہوگیا۔

وزیراعظم نریندر مودی نے دنیا کے چکر لگائے امریکا کی حمایت سمیٹی اور آخری وقت میں چین کو رام کرنے کی کوشش بھی کی لیکن اس ساری بھاگ دوڑ کا نتیجہ صفر نکلا، نیوکلیئر سپلائیرز گروپ نے مودی جی کے ارمانوں پر پانی پھیر دیا، کچھ ممالک نے وعدے کے باوجود نیوکلیئر سپلائی گروپ کے اجلاس کے دوران بھارت کی حمایت سے صاف انکار کردیا ۔

دوسری جانب ترکی برازیل، آسٹریا، نیوزی لینڈ اور آئرلینڈ نے بھارت کی کھل کر مخالفت کی جبکہ چین تو پہلے ہی بھارت کو لال جھنڈی دکھا چکا تھا۔

بھارت کو انٹرنیشنل اٹامک انرجی ایجنسی سے معاہدے کی پاسداری نہ کرنے پر بھی تنقید کا سامنا کرنا پڑا، ناقدین نے بھارت کے جوہری پروگرام کو دنیا کا سب سے غیر محفوظ پروگرام قرار دے دیا۔

واضح رہے نیو کلیئر سپلائر گروپ میں 48 ممالک شامل ہیں جو دنیا بھر میں جوہری مواد کے معاملات کو دیکھتے ہیں اور رکن ممالک کو جوہری موادکی تجارت کا اختیار حاصل ہے.

Comments

- Advertisement -