The news is by your side.

Advertisement

پاکستان نے نیوکلئیرسپلائرگروپ کی ممبرشپ کیلئے درخواست دے دی

اسلام آباد : پاکستان نے نیوکلئیرسپلائر گروپ کی ممبر شپ کیلئے درخواست دے دی ہے۔ ویانا میں پاکستان کے سفیر نے خط لکھ کرچیئرمین این ایس جی ٹیسٹ کے ذریعے ممبرشپ کیلئے درخواست دی۔

دفترخارجہ کے مطابق نیو کلیئر سپلائر گروپ کی ممبر شپ کے لیے درخواست میں بتایا گیا کہ پاکستان نے ایٹمی ہتھیاروں کے عدم پھیلاؤ اور اس کے ذرائع کو روکنے کیلئے بھر پور کردار ادا کیا ہے۔

پاکستان کے پاس مہارت موجود ہے کہ وہ پر امن مقاصد کیلئے ایٹمی مواد کو بین الاقوامی معیار کے مطابق سپلائی کر سکے، پاکستان ایٹمی سلامتی اور سیفٹی کو انتہائی اہمیت دیتا ہے، پاکستان پر امن مقاصد کیلئے مہارت ،افرادی قوت ،انفراسٹرکچر رکھتاہے ۔

ترجما ن دفتر خارجہ کا کہناتھا کہ پاکستان نیوکلیئر سیفٹی اور سیکیورٹی کو انتہائی ترجیح دیتاہے ،رکنیت کافیصلہ ہتھیاروں کے عدم پھیلاﺅ کی کوششوں کی حمایت کا عکاس ہے۔

دفتر خارجہ کے مطابق پاکستان کی ایٹمی مواد کے لیے درآمدات کی کنڑول لسٹ این ایس جی اورآسٹر یلیا گروپ سے ہم آہنگ ہے۔

دفتر خارجہ کا کہنا ہے کہ پاکستان نے اس بات پر زور دیا ہے کہ این ایس جی کو ان ممالک کیلئے منصفانہ رویہ اختیار کر نا چاہیئے جو این پی ٹی کا کبھی بھی حصہ نہیں رہے۔

پاکستان کی این ایس جی میں شمولیت ایٹمی عدم پھیلاؤ کے تمام مقاصد کو حاصل کر نے میں معاون ہو گی کیونکہ پاکستان ایسا ملک ہے جس کی ایٹمی مواد کی ترسیل کے حوالے سے صلا حیتیں بہتر ین اور این ایس جی کی گائیڈ لائن کے مطابق ہے۔

 

Comments

comments

یہ بھی پڑھیں