امریکا میں ڈونلڈ ٹرمپ کے بے لباس مجسمے لوگوں کی توجہ کا مرکز بن گئے -
The news is by your side.

Advertisement

امریکا میں ڈونلڈ ٹرمپ کے بے لباس مجسمے لوگوں کی توجہ کا مرکز بن گئے

واشنگٹن : جمعرات کو لگائے گئے ڈونلڈ ٹرمپ کے بے لباس مجسموں نے لوگوں کو توجہ حاصل کر لی،مجسمے نیویارک، لاس اینجلس، کلیولینڈ، سان فرانسیسکو اور سیاٹل میں دیکھے گئے ہیں

تفصیلات کے مطابق کیلیفورنیا کی ایک کمپنی ’انڈکلائن‘نے امریکہ کے مختلف شہروں میں مقامات رِپبلکن جماعت کے متنازع صدارتی امیدوار ڈونلڈ ٹرمپ کے مجمسے نصب کرکے ان کی ویڈیوز اپنی ویب سائٹ پر جاری کی۔
DONALD POST 3
مجسموں نے جلد ہی عوام کی توجہ حاصل کر لی دن بھر لوگ مجسمے کو دیکھنے کے لیے رکتے رہے اور کئی لوگوں نے مجسمے کے ساتھ تصاویر بھی بنائیں جب کہ سماجی رابطے کی ویب سائیٹ پر لوگ ڈونلڈ ٹرمپ کے بے لباس مجسمہ پر مختلف تبصرے بھی کرتے رہے اور لاکھوں لوگوں نے اس ویڈیو کو دیکھا اور شئیر بھی کیا۔

DONALD POST 2

بعد ازاں نیویارک میں تفریحی پارکس کی دیکھ بھال کرنے والے ادارے کی جانب سے اعتراض اُٹھانے پر اِن مجسموں کو پارکس سے ہٹا دیا گیا.ادارے کا کہنا تھا کہ سیاست دانوں کے بے لباس اور بے ہنگم مجسمے پارک میں آنے والے خواتین اور بچوں کے لیے ناگواری کاباعث بن سکتے ہیں۔

DONALD POST 1

اپنے متنازعہ اور نفرت آمیز بیانات سے مشہور ہونے والے ٹرمپ کی مقبولیت میں کمی ہوئی ہے جب کہ ان کے مقابلے میں ہلیری کلنٹن کی مقبولیت دن بدن بڑھتی جا رہی ہے حال ہی میں ٹرمپ پر اپنے حامیوں کو تشدد پر اکسانے کی بھی کوشش کی تھی جس پر انہیں شدید تنقید کا نشانہ بھی کرنا پڑرہا ہے۔

انہی حالات کے سبب رپبلکن جماعت کےکئی اہم رہنماؤں نے ڈونلڈ ٹرمپ سے کہا ہے کہ وہ اپنے جارحانہ اور متنازع بیانات پر قابو پائیں ورنہ صدارتی امیدوار کے انتخابات کے آخری مرحلے میں انہیں پریشانی کا سامنا ہو سکتا ہے تا ہم ٹرمپ اپنے انداز کو تبدیل کرنے میں سنجیدہ نظر نہیں آتے۔

Comments

comments

یہ بھی پڑھیں