The news is by your side.

Advertisement

کرونا وائرس سے اموات کی تعداد 10 لاکھ سے تجاوز کرگئی

شنگھائی: دنیا میں کرونا وائرس انفکیشن سے اموات کی تعداد 10 لاکھ سے تجاوز کر گئی ہے۔

شنگھائی کی نجی سافٹ ویئر سلوشن کمپنی کی ریفرنس ویب سائٹ ورلڈومیٹر کے اعداد و شمار کے مطابق دنیا بھر میں نئے کرونا وائرس کو وِڈ نائنٹین سے ہلاکتیں 10 لاکھ 2 ہزار 400 ہو گئی ہیں۔

یہ مہلک وائرس اب تک دنیا کے 213 ممالک اور علاقوں میں 3 کروڑ اور ساڑھے 33 لاکھ انسانوں کو متاثر کر چکا ہے، دوسری طرف وائرس سے لگنے والی بیماری سے اب تک 2 کروڑ 46 لاکھ مریض صحت یاب ہو چکے ہیں۔

چین سے نمودار ہونے والے اس وائرس نے سب سے زیادہ تباہی امریکا میں پھیلائی، اب تک وائرس سے امریکا میں 2 لاکھ 9 ہزار 400 افراد جانوں سے ہاتھ دھو چکے ہیں جب کہ متاثرہ افراد کی تعداد 73 لاکھ 21 ہزار ہے، جن میں 45 لاکھ 60 ہزار مریض صحت یاب ہو گئے ہیں۔

ادھر پڑوسی ممالک سے ہر وقت الجھنے والے ملک بھارت میں مودی سرکار کرونا وائرس پر قابو پانے میں مکمل ناکام ہو چکی ہے، کرونا وائرس کیسز کی تعداد کے لحاظ سے بھارت دوسرا بڑا ملک ہے جب کہ اموات کے لحاظ سے تیسرا بڑا ملک بن چکا ہے۔

بھارت میں کرونا سے متاثرین کی تعداد 60 لاکھ 74 ہزار ہوگئی ہے، گزشتہ 24گھنٹوں کے دوران مزید 82 ہزار سے زیادہ کیسز رپورٹ ہوئے، جب کہ وائرس سے ہلاک افراد کی تعداد 95 ہزار 574 ہوگئی ہے۔

برازیل میں کرونا وائرس سے ہلاکتیں بڑھ کر 1 لاکھ 41 ہزار 700 ہو گئی ہیں اور متاثرہ افراد کی مجموعی تعداد 47 لاکھ 32 ہزار سے تجاوز کر چکی ہے۔ روس میں وائرس سے اموات 20 ہزار 300 سے زائد ہیں جب کہ متاثرہ افراد کی تعداد 11 لاکھ 51 ہزار ہو چکی ہے۔

ادھر فرانس کرونا وائرس وبا کی دوسری لہر کی زد میں آ گیا ہے، گزشتہ چوبیس گھنٹوں کے دوران فرانس میں مزید 7 ہزار کیسز رپورٹ ہوئے۔ فرانس میں ہلاکتیں 31 ہزار 700 سے زائد ہیں۔

Comments

یہ بھی پڑھیں