دنیا کے نمبر ون ٹی ٹوئنٹی بولر تبریز شمسی بھی پاکستان سپر لیگ کے شوقین نکلے۔ جنوبی افریقی اسپنر نے پی ایس ایل کھیلنے کے لیے رضامندی ظاہر کر دی۔
ویب سائٹ کو دیے گئے انٹرویو میں اسپنر نے کہا کہ وہ ضرور پی ایس ایل کھیلیں گے، وہ لیگز کو اہمیت دیتے ہیں اور پی ایس ایل کے لیے بھی تیار ہیں۔
تبریز شمسی نے کہا کہ لیگز نے ان کے کیریئر میں اہم کردار ادا کیا ہے غیرملکی لیگز کھیلنے کے بعد ڈومیسٹک ٹیموں نے اہمیت دی اور پھر قومی ٹیم میں پہنچا۔
ان کا کہنا تھا کہ سی پی ایل کی طرح دیگر لیگز کافی مددگار ثابت ہوئی ہیں، انگلش کاؤنٹی اور ڈومیسٹک ٹورنامنٹس سے آمدنی تو ہوتی ہے لیکن ایک ایسا حلقہ بن جاتا ہے جس میں بڑے کھلاڑیوں سے بات چیت کا موقع ملتے ہے اور سیکھنے کو ملتا ہے۔
اسپنر نے بتایا کہ انہی لیگز کی بدولت انہوں نے چھوٹی چھوٹی چیزیں سیکھیں جو اچھے اسپنر بننے میں کارآمد ثابت ہوئیں۔