نصرت سحر نے امداد پتافی کو معاف کردیا -
The news is by your side.

Advertisement

نصرت سحر نے امداد پتافی کو معاف کردیا

کراچی : نصرت سحرعباسی نے صوبائی وزیر امداد پتافی کی غیرمشروط معافی پرانہیں معاف کردیا، انہوں نے پیپلزپارٹی کے چیرمئین بلاول بھٹو زرداری کی جانب سے ایکشن لینے کو قابل ستائش قراردیا.

تفیصلات کے مطابق مسلم لیگ فکشنل کی رہنما ، رکن سندھ اسمبلی نصرت سحرعباسی نے صوبائی وزی ورک اینڈ سروسز امداد پتافی کی غیر مشروط معافی کی درخواست کو قبول کرتے ہوئے انہیں‌ معاف کردیا.

اس موقع پر سندھ اسمبلی کے ایوان میں صوبائی وزیر ورک اینڈ سروسز امداد پتافی نے نصرت سحر عباسی کے سر پر ہاتھ رکھا اور ان کو صوبہ سندھ کی روایت کے مطابق سندھی اجرک پیش کی ، ان کا کہنا تھا کہ نصرت سحر عباسی میری بہن ہیں‌. میں اپنی ناسمجھی پرشرمسار ہوں.

دوسری جانب رکن سندھ اسملبی اور رہنما مسلم لیگ فکشنل نے ان کی معذرت کو قبول کیا، ان کا کہنا تھا کہ ایوان میں مثبت روایت قائم ہوئی ہے ، سندھ دھرتی میں خواتین کا احترام کیا جاتا ہے.

انہوں نے کہا کہ جمعہ کے روز کے اجلاس میں میری دل آزاری ہوئی تھی تاہم میں‌ پیپلزپارٹی کے چیرمئین بلاول بھٹو زرداری کے اقدام کو قابل ستائش سمجھتے ہوئے امداد پتافی کے گذشتہ روئیے کو درگزر کرتے ہوئے فراموش کرتی ہوں ، امید ہے کہ اب ایسا واقعہ پیش نہیں‌ آئیگا.

انہوں نے کہا کہ بلاول بھٹو سے مطالبہ اس لئے کیا تھا کیونکہ انہوں نے اپنی ماں کو کھویا ہے جبکہ میں‌بھی کسی کی ماں ہوں، ان کا کہنا تھا کہ میں‌نے اپنے آپ کوجلانے کی دھمکی دوسری خواتین کو تحفظ فراہم کرنے کے لئے دی تھی ، کیونکہ ایک خاتون ہونے کے ناطے یہ میری اہم ذمے داری ہے.

یہاں‌پڑھیں:نصرت سحرعباسی کی خودسوزی کی دھمکی

واضح‌رہے، قبل ازیں رکن سندھ اسمبلی نے بلاول بھٹو سے امداد پتافی کی معطلی کا مطالبہ کیا تھا.

Comments

comments

یہ بھی پڑھیں