کروناوائرس کے خلاف کمر بستہ نرسوں کے احمقانہ اقدام نے سوشل میڈیا پر تنقید کا نیا محاذ کھڑا کردیا۔
غیرملکی خبررساں ادارے کی رپورٹ کے مطابق مختصر ویڈیو شیئرنگ موبائل ایپلیکیشن ٹک ٹاک پر ایسی انوکھی ویڈیو وائرل ہوئی جس میں نرسوں نے کروناوائرس کی علامتی میت نکالی اور اس کے ساتھ ڈانس بھی کیا۔
رپورٹ میں کہا گیا ہے کہ نرسوں کی شناخت واضح نہ ہوسکی اور نہ ہی یہ پتا لگایا جاسکا ہے کہ مذکورہ ویڈیو کس اسپتال میں شوٹ ہوئی۔ تاہم سوشل میڈیا پر صارفین نرسوں کو شدید تنقید کا نشانہ بنارہے ہیں۔
البتہ کئی صارفین نے نرسوں کی حمایت بھی کی۔ ان کا کہنا تھا کہ اس اقدام کے ذریعے اسپتال عملہ یہ واضح کرنا چاہتا ہے کہ وبائی مرض کو شکست دے جاچکے ہیں، یہ حوصلہ افزا عمل ہے۔
جبکہ سیکڑوں لوگوں کا خیال ہے کہ ممکنہ طور پر یہ کروناوائرس کے مریض کی میت ہوسکتی ہے جس کا مذاق بنایا جارہا ہے، صارفین نے غم وغصے کا اظہار کرتے ہوئے نرسوں کو نوکریوں سے فارغ کرنے کا مطالبہ کردیا۔
