The news is by your side.

Advertisement

نصرت سحرعباسی کی قیادت میں کراچی پریس کلب پرمظاہرہ

کراچی : نصرت سحرعباسی کی قیادت میں پریس کلب کےسامنے مظاہرہ کیا گیا، مظاہرین نے امداد پتافی کی رکنیت منسوخ کرنے کے نعرے لگائے، مظاہرہ عباسی اتحاد کی جانب سےکیا گیا تھا۔

تفصیلات کے مطابق سندھ اسمبلی میں امداد پتافی کی معافی قبول کرنے کے بعد باہر نکلتے ہی فنکشنل لیگ لیگ کی رہنما نصرت سحر عباسی نے ایک مظاہرے میں شرکت کی جس کا اہتمام عباسی اتحاد کی جانب سےکیا گیا تھا۔

کراچی پریس کلب کے باہر مظاہرین سے خطاب کرتے ہوئے انہوں نے کہا کہ میں نے چادر کی حرمت کا خیال رکھتے ہوئے اس معاملے کو رفع دفع کردیا ہے۔

نمائندہ اے آر وائی نیوز ارباب چانڈیو کے اس سوال کے جواب میں کہ معاف کرنے کے بعد احتجاج کیوں کیا جارہا ہے جس پر ان کا کہنا تھا کہ یہ مظاہرہ ہماری عباسی برادری کی جانب سے کیا جا رہا ہے، جن سے اظہار یکجہتی کے لئے آئی ہوں۔

انہوں نے کہا کہ امداد پتافی کے رویے کیخلاف عباسی برادری احتجاج کررہی ہے، پورے سندھ میں احتجاج جاری ہے، اپنی برادری کےپاس اظہاریکجہتی کیلئے گئی تھی، نصرت سحرعباسی نے بتایا کہ آج کا احتجاج شیڈول تھا، برادری کو کہا کہ معاملہ ختم ہوگیا ہے۔

Print Friendly, PDF & Email

Comments

comments

یہ بھی پڑھیں