The news is by your side.

Advertisement

لاڑکانہ میں شکست: ’’پیپلزپارٹی کو ختم کرنے کا سہرا آصف زرداری کے سر جاتا ہے‘‘

کراچی: مسلم لیگ فنکشنل کی رہنما اور گرینڈ ڈیموکریٹک الائنس کے ٹکٹ پر رکن سندھ اسمبلی منتخب ہونے والی نصرت سحر عباسی نے کہا ہے کہ صحت، تعلیم، صاف پانی فراہم نہ کرنے پر عوام نے انتقام لیا، پی پی کو اپنے ہی گڑھ سے شکست ہوئی۔

اے آر وائی نیوز سے گفتگو کرتے ہوئے نصرت سحر عباسی کا کہنا تھا کہ ضمنی انتخاب میں تاریخ ہے کہ جو پارٹی اقتدار میں ہو وہی کامیاب ہوتی ہے، تاریخ کےبرعکس ضمنی انتخاب میں لوگوں نے اپوزیشن کومنتخب کیا۔

اُن کا کہنا تھا کہ بلاول بھٹونےلاڑکانہ میں خود5دن مہم چلائی پھربھی شکست ہوئی، آج عوام نے بتا دیا اب بھٹو زندہ نہیں ہے کیونکہ ان لوگوں نے بھٹو کے نام پر بہت کھا لیا۔

نصرت سحر عباسی کا کہنا تھا کہ ’’آج اپنےہی گڑھ لاڑکانہ اوربہت جلدپاکستان سےپی پی کاصفایاہوجائے گا، لاڑکانہ کی عوام نے بہت بڑافیصلہ کیا، اسی کو اصل انقلاب کہتے ہیں، عام انتخابات میں لیاری میں بھی پیپلزپارٹی پرعوام نےپتھراؤکیاتھا‘‘۔  اُن کا کہنا تھا کہ اپنےہی گڑھ میں دھاندلی کاراگ دراصل شکست کاخوف ہے، پیپلزپارٹی کوختم کرنےکا سہرا آصف زرداری لیگ کےسر جاتا ہے۔

مزید پڑھیں: لاڑکانہ ضمنی انتخابات، پی پی کو ہوم گراؤنڈ پر شکست کا سامنا

دوسری جانب وفاقی وزیر برائے آبی وسائل فیصل واؤڈا کا کہنا تھا کہ پیپلزپارٹی کواپنےہی گڑھ میں عوام نےسیاسی تھپڑ رسید کیا، روٹی،کپڑا اور مکان کے نام پر لوٹنے والوں کو عوام نے مستردکردیا، حکومتی مشینری استعمال کرنےکے باوجود پی پی کی لاڑکانہ میں وکٹ گرگئی، پاکستان تحریک انصاف نےجی ڈی اےکوسپورٹ کیا اور لاڑکانہ کے عوام نےدھرنے کا بھی جواب دےدیا،عمران خان نے احتساب کرکے دکھایا، عوام نے بھی تبدیلی کو پسندکیا۔

Comments

comments

یہ بھی پڑھیں