The news is by your side.

Advertisement

بلاول بھٹو صرف والداور پھپھو کوبچانےمیں لگے ہوئے ہیں ، نصرت سحرعباسی

مرادعلی شاہ غریبوں کے وزیراعلیٰ نہیں بلاول کےہیں،

حیدرآباد: فنکشنل لیگ کی رکن سندھ اسمبلی نصرت سحرعباسی نے کہا بلاول کی سیاست ہی ٹوئٹس پرچلتی ہے، وہ صرف والداور پھپھو کو بچانے میں لگے ہوئے ہیں، مرادعلی شاہ غریبوں کے وزیراعلیٰ نہیں بلاول کےہیں۔

تفصیلات کے مطابق فنکشنل لیگ کی رکن سندھ اسمبلی نصرت سحرعباسی حیدر آباد میں جاں بحق بہن بھائی کےگھر پہنچی اور رخسانہ اور قادر کے اہلخانہ سے تعزیت کا اظہار کیا۔

نصرت سحرعباسی کا کہنا تھا اتنی بچیوں کیساتھ ایسےواقعات ہوئےجن کےنام ختم نہ ہوں، غریبوں کا کوئی پوچھنے والا نہیں ہے، اسمبلی میں ہم آوازاٹھاناچاہیں تواٹھانے نہیں دیتے، بڑے آدمی کی بات آتی ہے تو پولیس الرٹ ہوجاتی ہے۔

سندھ حکومت صرف بلاول کی مہم چلانےمیں لگی ہے

رہنما فنکشنل لیگ نے کہا مرادعلی شاہ غریبوں کےوزیراعلیٰ نہیں بلاول کے ہیں، معصوم بچوں کیلئےبلاول بھٹوکاکوئی ٹوئٹ تک نہ آیا، سندھ حکومت صرف بلاول کی مہم چلانےمیں لگی ہے۔

ان کا کہنا تھا کہ خواتین ایم پی ایز فریال تالپور کے پاس تو تیار ہوکرپہنچ جاتی ہیں، سندھ کی بچیاں مررہی ہیں اورقانون پر عملدرآمد نہیں، سرکاری اسپتالوں میں بچوں کیلئے وینٹی لیٹرتک نہیں۔

نصرت سحرعباسی نے مزید کہا اب ایک ایک کونیب کھینچےگی کہ اتنابجٹ کہاں گیا، بلاول کی سیاست ہی ٹوئٹس پرچلتی ہے، بلاول بھٹو صرف والد اور پھپھوکو بچانے میں لگے ہوئے ہیں۔

Comments

یہ بھی پڑھیں