داعش کی کمر توڑ دی گئی ہے، اوباما -
The news is by your side.

Advertisement

داعش کی کمر توڑ دی گئی ہے، اوباما

فلوریڈا: صدربراک اوباما کا کہنا ہے کہ القاعدہ کو شکست ہوگئی ہے اور داعش اپنے زیرِ قبضہ نصف علاقوں سے محروم ہوچکی ہے۔

ریاست فلوریڈا کے میک ڈیل ایئر فورس بیس پر اپنے دور صدارت کے آخری قومی سلامتی خطاب کے دوران صدراوباما نے اپنی قومی سلامتی کی پالیسی کا دفاع کیا اور کہا کہ ان کی پالیسیوں کے نتیجے میں امریکا محفوظ ہوا، اُن کے دور صدارت میں القاعدہ سرابرہ کو مارا گیا جبکہ داعش کی کمر توڑ دی گئی۔

انکا کہنا تھا کہ دہشت گردی کے مقابلے کے لیے براہِ راست جنگ کے بجائے اتحادیوں کے تعاون سے کارروائیاں کرنے کی پالیسی کی بدولت دہشتگردوں کے خلاف قابل ذکر کامیابیاں ملی ہیں۔


مزید پڑھیں : داعش کےرسدکے راستے بند کردیے، امریکی صدر اوباما


خطاب کے دوران صدر اوباما نے کہا کہ انکے آٹھ سالہ دورمیں کوئی دن ایسا نہیں گزرا، جب کوئی دہشت گرد تنظیم یا کوئی انتہا پسند امریکا پر حملے کی سازش نہ کر رہا ہو۔

اوباما نے گوانتاموبے حراستی مرکز کو امریکا کے وقار پر بد نما داغ قرار دیتے ہوئے کہا کہ گوانتاموبے جیل میں 60 قیدیوں پر لاکھوں ڈالرز ضائع کر رہے ہیں، چند دہشت گرد ایک ارب مسلمانوں کے نمائندہ نہیں ہو سکتا۔

انکا کہنا تھا کہ جب بیس جنوری کو وائٹ ہاؤس سے رخصت ہونگے تو امریکی تاریخ کے واحد صدر ہونگے، جس کے پورے دورِ صدارت میں امریکا حالت جنگ میں رہا۔

Comments

comments

یہ بھی پڑھیں