site
stats
پاکستان

مقبوضہ کشمیر، مسلسل 50 ویں روز بھی کرفیو

سری نگر: مقبوضہ کشمیر میں مسلسل کرفیو کو پچاس روز ہوگئے، مقبوضہ وادی میں صورتحال بدستور انتہائی کشیدہ ہے، آٹھ جولائی سے اب تک شہید کشمیریوں کی تعداد نواسی ہوگئی جبکہ بھارتی فورسز کی فائرنگ سے 100سے زائد کشمیری زخمی ہوئے۔

kashmir-post-1

تفصیلات کے مطابق بہادر کشمیری بھارتی ظلم اور جبر کا سامنا بہادری سے کررہے ہیں، مسلسل پچاس روز سے جاری کرفیو کے باعث مقبوضہ وادی میں زندگی مفلوج ہوکر رہ گئی ہے، مقبوضہ وادی میں کھانے پینے کی اشیاء اور دواؤں کی قلت ہے، انٹرنیٹ اور موبائل سروس معطل ہے جبکہ مارکیٹیں، اسکول ، دفاتر اور کاروباری ادارے بند ہیں۔


 

مزید پڑھیں : مقبوضہ کشمیرمیں مسلسل 48 ویں روز بھی کرفیو


 

مسلسل چھ ہفتوں سے کشمیری نماز جمعہ کی ادائیگی سے محروم ہیں۔

kashmir-3

بھارتی مظالم عروج پر ہے، پیلٹ گن کے بعد کشمیریوں پرمرچوں والی گن پاوا سے ستم ڈھانے کی تیاریاں مکمل کرلی گئیں، مسلسل کرفیو نے وادی میں زندگی مفلوج اور لوگوں کو گھروں میں محصور ہونے پر مجبور کردیا۔

kashmir-2

مظاہرین نے پاکستان کے حق اور بھارت مخالفت نعرے لگائے جب کہ بھارت نے آل پارٹیز حریت کانفرنس کے چیرمین سید علی گیلانی سمیت متعدد رہنماؤں کو گرفتار اور درجنوں کو گھروں میں نظر بند کردیا۔

حریت کانفرنس کی اپیل پر یکم ستمبرتک ہڑتال اور احتجاجی مظاہرے کئے جائیں گے۔


 

مزید پڑھیں : بھارتی فوج کی بربریت، حزب المجاہدین کے معروف کمانڈر برہان وانی شہید


واضح رہے کہ مقبوضہ کشمیر میں گزشتہ ماہ تحریک آزادی کے نوجوان کمانڈر بربان مظفر وانی کی شہادت کے بعد سے مقبوضہ وادی میں بھارتی مظالم کے خلاف احتجاجی مظاہروں کا سلسلہ جاری ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top