مقبوضہ کشمیر: پاکستانی چینل دکھانے پر کیبل ٹی وی کی نشریات بند -
The news is by your side.

Advertisement

مقبوضہ کشمیر: پاکستانی چینل دکھانے پر کیبل ٹی وی کی نشریات بند

سری نگر : مقبوضہ کشمیرمیں بھارتی فوج کے ظلم و بربریت کا سلسلہ جاری ہے، کرفیو آٹھویں روز میں داخل ہوگیا، تحریک آزادی کو کچلنے کیلئے ٹی وی کی نشریات بند کردی گئی ہے جبکہ اخباری دفاتر سیل اور کاپیاں قبضے میں لے لیں ہے۔

نہتے کشمیریوں پر بھارتی فوج کی دہشت گردی عروج پرہے، مقبوضہ جموں و کشمیر میں کشیدگی آٹھویں روز میں داخل ہوگئی ہے، طاقت کے بے دریغ استعمال میں اڑتیس کشمیری شہید اور سینکڑوں زخمی ہوگئے۔

بھارتی فوج کی مظلوم کشمیریوں کی آواز دبانے کیلئے ایک اور مذموم سازش سامنے آئی ، بھارتی فوج نے اخباری دفاتر پردھاوا بول کرلاکھوں کاپیاں قبضے میں لے لیں، پرنٹنگ پریس بند کرادیئے اور صحافیوں کو گرفتار کرلیا ہے جبکہ انٹرنیٹ اور موبائل فونزسروس پہلے ہی بند کردی گئی تھی، ٹی وی نشریات بھی بندکردی گئی تاکہ پاکستانی چینل نشر نہ ہوسکیں۔

مزید پڑھیں : مقبوضہ کشمیر میں ہڑتال ساتویں روز بھی جاری

کرفیو کے باوجود بھارتی اور کشمیری جوانوں کے درمیان جھڑپیں ہوئیں، حریت رہنماؤں کو گھروں میں نظر بند کردیا گیا ہے۔

رہنماؤں کو گزشتہ روز نماز جمعہ کی ادائیگی سےبھی روک دیا گیا، نہتے کشمیریوں کی شہادت پرحریت رہنماؤں نے مزید تین دن ہڑتال کی کال دیدی، حریت رہنماؤں نےپاکستانی حکومت اور عوام کے اظہار یکجہتی پرشکریہ ادا کیا۔

مزید پڑھیں : وفاقی کابینہ اجلاس میں 19 جولائی کو یوم سیاہ منانے کا فیصلہ

دوسری جانب پاکستان میں کشمیریوں سے اظہار یکجہتی اور بھارتی مظالم کیخلاف انیس جولائی کو یوم سیاہ منایا جائے گا۔

Comments

comments

یہ بھی پڑھیں