The news is by your side.

Advertisement

پرویز رشید نے مقبوضہ کشمیر کو پاکستان کا اٹوٹ انگ قرار دیدیا

اسلام آباد: وفاقی وزیر اطلاعات ونشریات پرویز رشید نے مقبوضہ کشمیر کو پاکستان کا اٹوٹ انگ قرار دیدیا، کہتے ہیں کہ ستر سالہ تاریخ گواہ ہے کہ کشمیری اگر کسی کے اٹوٹ انگ ہو سکتے ہیں تو صرف ہمارے اور ہم انکے۔

اسلام آباد میں نیوز کانفرنس کے دوران پرویز رشید کا کہنا تھا کہ مسئلہ کشمیر کسی ملک کی دوسرے ملک کے خلاف نہ تو سازش ہے اور نہ ہی شرارت ۔ پاکستان نے کشمیریوں کی جدوجہد میں وکیل کا کردار ادا کیا ہے اور کشمیرکاز کی حمایت کیلئے پاکستان کے قدموں میں کبھی کوئی لرزش نہیں آئی ۔

پرویز رشید کا کہنا تھا کہ سی پیک پاکستانی عوام کا مفاد تھا جو ایک سال دھرنوں کی نظر ہوا قوم کو بجلی کے بحران سے نکلنے کیئے مزید ایک سال انتظار کرنا ہو گا، کشمیر کاز میں تاخیر ہوئی تو اس کی ذمہ داری دھرنے والوں پر عائد ہو گی۔

انہوں نے کہا کہ گلگت بلتستان اور بلوچستان کے لوگوں نے اپنے عمل سے بھارتی بیانات کو رد کر دیا ہے، دنیا میں اصولوں کا پرچار کرنے والا بھارت کشمیر میں اصولوں کی بات نہیں کرتا، ہم مسئلہ کشمیر پر وہ حکمت عملی چاہتے ہیں جو واجپائی کو بس پر لاہور لائی ۔

پرویز رشید نے کہا کہ پاکستان کے خط کے جواب پر بھارت کا مذاکرات کی میز پر آنا وزیر اعظم کی کشمیر کا ز کیلئے جدو جہد کا نتیجہ ہے، انھوں نے کہا کہ آٹھ سال تک حکومت کر نے والے کمانڈو کو ایک بار بھی کشمیر کا نام عالمی فورم پر لینے کی ہمت نہ ہوئی۔

Print Friendly, PDF & Email

Comments

comments

یہ بھی پڑھیں