The news is by your side.

Advertisement

مقبوضہ کشمیر میں بھارتی فوج کی فائرنگ سے مزید 2 کشمیری شہید

سرینگر: مقبوضہ کشمیر میں بھارتی فورسز نے مزید دو کشمیریوں کو شہید کردیا جس کے بعد شہدا کی تعداد 116 ہوگئی۔ مقبوضہ وادی میں آج یوم دعا منایا جائے گااور آزادی مارچ ہوگا۔

بھارت کی ریاستی دہشت گردی کا شکار کشمیری آزادی حاصل کرنے کے لیے پرعزم ہیں۔ ہر روز جانوں کا نذرانہ پیش کرتے کشمیری بھارتی جبر کے آگے ہار ماننے کو تیار نہیں۔

باندی پورہ میں بھارتی فوج نے فائرنگ کر کے مزید 2 کشمیری شہید کر دیے۔ مسلح افراد کی فائرنگ سے ایک بھارتی فوجی بھی ہلاک ہوگیا۔

اقوام متحدہ میں کشمیریوں کے حق خود ارادیت کےحق میں قرارداد منظور *

وادی میں 140 دن سے کاروبار، تعلیم اور معمول کی زندگی سے محروم کشمیریوں کو احتجاج سے روکنے کے لیے کٹھ پتلی انتطامیہ نے پہرے مزید سخت کر دیے۔

حریت کانفرنس کی اپیل پر آج آزادی کے حصول کے لیے یوم دعا منایا جائے گا اور آزادی مارچ ہوگا۔ نمازجمعہ کے بعد احتجاجی ریلیاں نکالی جائیں گی۔ خواتین کی احتجاجی ریلی بھی نکالی جائے گی۔

دوسری جانب بھارتی فورسز کے مظالم کے خلاف حریت کانفرنس نے احتجاج میں یکم دسمبر تک توسیع کردی ہے۔

Print Friendly, PDF & Email

Comments

comments

یہ بھی پڑھیں