The news is by your side.

Advertisement

بارہ اکتوبر1999 کاآمرانہ اقدام ترقی روکنے کی سازش تھی‘ شہبازشریف

لاہور: وزیراعلیٰ پنجاب شہبازشریف کا کہنا ہے کہ 12 اکتوبر1999 ملکی سیاسی و جمہوری تاریخ کا سیاہ ترین دن تھا، اس غیرجمہوری اقدام کےمنفی نتائج آج بھی قوم بھگت رہی ہے۔

تفصیلات کے مطابق وزیراعلیٰ پنجاب میاں محمد شہبازشریف کا کہنا ہے کہ 12 اکتوبر1999 کا آمرانہ اقدام ترقی روکنے کی سازش تھی، جمہوری عمل سبوتاژ نہ کیا جاتا تو ملک کو مسائل کا سامنا نہ ہوتا۔

وزیراعلیٰ پنجاب شہبازشریف نے کہا کہ 12 اکتوبر1999 ملکی سیاسی و جمہوری تاریخ کا سیاہ ترین دن تھا، جمہوریت کو پٹری سے نہ اتارا جا تا توپاکستان کی حالت مختلف ہوتی۔

شہبازشریف نے کہا کہ آمرانہ حکومتوں کے ادوارمیں ملک وقوم کونقصان پہنچا، انہوں نے کہا کہ پاکستان کے مسائل کا حل جمہوریت کے تسلسل میں ہے۔

وزیراعلیٰ پنجاب شہبازشریف نے کہا کہ ذاتی مفادات کی سیاست ختم کرکے ترقی کو مقدم رکھنا پڑے گا۔ انہوں نے کہا کہ جمہوریت،آئین کے خلاف کسی اقدام کو کامیاب نہیں ہونے دیں گے۔

واضح رہے کہ 12 اکتوبر سنہ 1999 کے مارشل لاء کو آج 18 سال مکمل ہوگئے۔18 سال قبل اس وقت کے آرمی چیف پرویز مشرف نے جمہوری حکومت کا تختہ الٹ کر ملک میں مارشل لاء نافذ کردیا تھا۔


اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تواسے اپنی فیس بک وال پرشیئرکریں۔

Print Friendly, PDF & Email

Comments

comments

یہ بھی پڑھیں