The news is by your side.

Advertisement

اکتوبر کا دوسرا ہفتہ: مہنگائی کی شرح میں اعشاریہ 23 فیصد کمی

اسلام آباد : نئے مالی سال 2015-16ء کے چوتھے ماہ ( اکتوبر 2015ء ) کے دوسرے ہفتے کے دوران مہنگائی کی شرح میں 0.23 فیصد کمی ریکارڈ کی گئی، جبکہ کم آمدنی والے طبقے کے لئے قیمتوں کے حساس اعشاریئے میں 0.17 فیصدکمی دیکھنے میں آئی ۔

پاکستان بیورو شماریات کے اعداد و شمار کے مطابق 16 اکتوبر کو ختم ہونے والے ہفتے کے دوران گندم ،آٹا، ٹماٹر،تازہ دودھ ،دھی ،چائے ،دال ماش، چنے کی دال ،مسور کی دال ،مونگ کی دال،ملک پاؤڈ، مٹن ،مسٹرڈ آئل ،سمیت 16 اشیائے ضروریہ کی قیمتوں میں اضافہ ہوا۔

زندہ مرغی،انڈے،ایل پی جی ،پیاز ،آلو، گڑ،چینی ، اری چاول، باسمتی چاول ، ویجی ٹیبل گھی اور کیلے سمیت13 اشیائے ضروریہ کی قیمتوں میں کمی ریکارڈ کی گئی۔

ادارہ شماریات کے مطابق پٹرول ،ڈیزل ، مٹی کاتیل ،گیس نرخ ،نمک ،بیف ،لہسن ، سرخ مرچ ، خوردنی تیل، بجلی کے نرخ ،کپڑے اورکھلا گھی سمیت 24 اشیائے کی قیمتوں میں استحکام رہا۔

ادارہ شماریات کے مطابق گزشتہ ہفتہ کے مقابلے میں آٹھ ہزار تا بارہ ہزار آمدنی ، بارہ ہزار تا اٹھارہ ہزارآمدنی ، اٹھارہ ہزار تا پینتیس ہزار تک اور پینتیس ہزار روپے سے زائد آمدنی والے افراد کے گروپوں کیلئے قیمتوں کے حساس اعشاریے میں بالترتیب 0.20، 0.22 ،0.25 اور 0.25 فیصد کمی ریکارڈ کی گئی ۔

Print Friendly, PDF & Email

Comments

comments

یہ بھی پڑھیں