انٹرنیشنل کرکٹ کونسل کی جانب سے ون ڈے انٹرنیشنلز اور ٹی ٹوئنٹی کے لیے کھلاڑیوں کی نئی رینکنگ جاری کی گئی ہے جس میں بابر کی بطور ٹاپ ون ڈے بیٹر برقرار ہیں۔
شاہین شاہ آفریدی آئی سی سی کی رینکنگ میں ایک درجہ ترقی کرتے ہوئے ایک روزہ میچز کے پانچوں بہترین بولر بن گئے ہیں۔ بیٹرز میں قومی کرکٹ ٹیم کے کپتان 882 پوائنٹس کے ساتھ پہلے پوزیشن کو اپنے قبضے میں کیے ہوئے ہیں۔
اس کے علاوہ جو پاکستانی بیٹر ٹاپ ٹین میں موجود ہیں ان میں پاکستانی اوپنرز امام الحق 732 پوائنٹس کے ساتھ چوتھے جب کہ فخر زمان 721 پوائنٹس کے ساتھ ساتویں نمبر پر موجود ہیں۔
اس کے علاوہ پروٹیز بیٹر رسی وان ڈیر ڈوسن 777 پوائنٹس کے ساتھ دوسری پوزیشن پر ہیں اور بابر اعظم سے کافی دور ہیں، انڈین بیٹر شبمن گل 750 پوائنٹس کے ساتھ تیسری پوزیشن حاصل کرنے میں کامیاب رہے۔
ون ڈے میں آسٹریلیا کے جوش ہیزوڈ پہلے، مچل اسٹارک دوسرے، نیوزی لینڈ کے میٹ ہنری تیسرے، ٹرینٹ بولٹ چوتھے جب کہ پاکستان کے شاہین شاہ آفریدی پانچویں نمبر پر براجمان ہیں۔
