بھارت میں ریاستی وزیر کو پولیس افسر نے گولی ماری مار دی۔ وزیر کو تشویشناک حالت میں اسپتال منتقل کر دیا گیا جب کہ واقعے کی ویڈیو بھی سامنے آگئی ہے۔
بھارتی میڈیا کے مطابق ریاست اڈیشہ کے صحت اور خاندانی بہبود کے وزیر نبا کشور داس کو جھارسوگوڈا ضلع میں پولیس کے ایک اسسٹنٹ سب انسپکٹر نے گولی مار دی۔
#ଗୁଳି_ବାଜିଲା, #ତଳେ_ଗଳିପଡିଲେ_ମନ୍ତ୍ରୀ…
#ଅତି_ନିକଟରୁ_ବାଜିଛି_ଗୁଳି
ଦେଖନ୍ତୁ ସେହି ସମୟର ଦୃଶ୍ୟ, ଯେତେବେଳେ ମନ୍ତ୍ରୀ ନବ ଦାସଙ୍କ ଦେହରେ ଗୁଳି ବାଜି ଆଉ ସେ ତଳେ ପଡିଗଲେ । #BigBreaking #NabaDas #Odisha #Firing #KanakNews pic.twitter.com/Rl0xk4nKog— Kanak News (@kanak_news) January 29, 2023
وزیر صحت داس کو سینے میں گولی لگی اور ان کی حالت تشویشناک بتائی جاتی ہے۔ انہیں جھارسوگوڈا ہوائی اڈے پر لے جایا جا رہا ہے جہاں سے ہوائی جہاز کے ذریعے بھونیشور منتقل کیا جائے گا۔
واقعے کی ویڈیوز سوشل میڈیا پر زیرگردش ہیں جس میں وزیر صحت کو گولی لگتے دیکھا جا سکتا ہے جس کے سینے سے خون بہہ رہا ہے اور لوگ زخمی وزیر کو اٹھانے کی کوشش کر رہے ہیں۔
Exact moment when Odisha Minister #NabaDas was shot at! @RittickMondal gets us more details. #ITVideo #Odisha | @AishPaliwal pic.twitter.com/Zs0rTWHj49
— IndiaToday (@IndiaToday) January 29, 2023
پولیس کا کہنا ہے کہ سب انسپکٹر نے کم از کم چار سے پانچ گولیاں چلائیں جب وزیر گاندھی اسکوائر پر اپنی گاڑی سے باہر نکل رہے تھے۔ ملزم اے ایس آئی کو مقامی لوگوں نے پکڑ کے پولیس کے حوالے کر دیا ہے۔
پولیس اہلکار کی شناخت اے ایس آئی گوپال داس کے طور پر ہوئی ہے تاہم قاتلانہ حملے کی وجہ کا ابھی تک پتہ نہیں چل سکا۔
