The news is by your side.

Advertisement

ٹی او آرز پر تاخیر ہورہی ہے : مولا بخش ، جلدی کیا ہے: حاصل بزنجو

کراچی: پیپلز پارٹی کے رہنما مولا بخش چانڈیو نے کہا ہے کہ پیپلز پارٹی سے تعلق رکھنے والے تمام افراد کا احتساب کیا گیا، ن لیگ اب اپنے اراکین کے احتساب پر سیخ پا ہے، ٹی او آرز کے معاملے پر تاخیر کی جارہی ہے۔ دوسری جانب وفاقی وزیر میر حاصل خان بزنجو کا کہنا ہے کہ جلدی کیا ہے، ٹی او آرز پر وقت ضائع نہیں ہورہا۔

اے آر وائی نیوز کے پروگرام آف دی ریکارڈ میں گفتگو کرتے ہوئے مولا بخش چانڈیو کاکہنا تھا کہ اپوزیشن متحد ہے،ایسے ٹی او آرز بنائے جائیں جو سب کو قابل قبول ہوں لیکن ٹی او آرز پر حکومتی وزرا کہتے ہیں کہ جلدی کیا ہے۔

انہوں نے کہا کہ پاناما لیکس پر حکومت وقت ضائع کررہی ہے اور نہیں چاہتی کہ تحقیقات ہوں، حکومتی وزرا کہتے ہیں کہ آف شور کمپنیاں ہونا کوئی غلط بات نہیں ہے تو پھر ہمارے وزرا کو کن قوانین کے تحت جیلوں میں ڈالا گیا۔

مولا بخش چانڈیو کا مزید کہنا تھا کہ حکومت مفاہمت کے بجائے مزاحمت کی جانب جارہی ہے وفاقی وزرا مٹی کا تیل لے کر گھوم رہے ہیں اور آگ لگا رہے ہیں، حکومتی وزرا کا رویہ دیکھ کر مجھے حیرانگی ہوتی ہے۔

دوسری جانب پروگرام میں موجود میر حاصل خان بزنجو نے کہا کہ ٹی او آرز پر ہماری طرف سے وقت کا ضیاع نہیں کیا جارہا، اپوزیشن ہمارے ٹی او آرز پر توجہ ہی نہیں دے رہی اور اپنے ٹی او آرز پر بضد ہے، ہم مذاکرات کے ذریعے درمیانی راستہ نکالنا چاہتے ہیں۔

انہوں نے کہا کہ وزیر اعظم نے خود کو احتساب کے لیے پیش کردیا ہے، مایوس ہونے کی ضرورت نہیں،ٹی او آرز پر جلد فیصلہ آجائے گا، اپوزیشن کو بھی مسائل پر توجہ دینی چاہیے۔

Print Friendly, PDF & Email

Comments

comments

یہ بھی پڑھیں