The news is by your side.

بے بی وائپس میں چھپا کر لے جائی جانے والی کوکین پکڑی گئی

امریکا میں بے بی وائپس لے جانے والے ایک ٹرک سے کروڑوں مالیت کی منشیات برآمد ہوئی جس کے بعد حکام نے ٹرک کو قبضے میں لے لیا۔

امریکی میڈیا کے مطابق مذکورہ ٹرک امریکا اور میکسیکو کی سرحد پر پکڑا گیا۔

امریکی کسٹمز اور بارڈر پروٹیکشن افسران نے کولمبیا سولڈیرٹی برج پر مشکوک ٹریلر ٹرک کو روکا، یہ پل امریکا اور میکسیکو کی 2 ریاستوں کو آپس میں ملاتا ہے۔

ٹرک میں بے بی وائپس کی کھیپ موجود تھی جسے پہلے جانے دیا گیا تاہم شک ہونے پر دوبارہ انسپکشن کی گئی تو ٹرک سے کوکین برآمد ہوئی۔

19 سو سے زائد پیکٹس میں موجود کوکین کی مقدار 15 سو 33 پاؤنڈز تھی جبکہ اس کی مالیت 11.8 ملین (1 کروڑ 18 لاکھ) ڈالر تھی۔

منشیات برآمدگی کے بعد حکام نے ٹرک اور اس کے ڈرائیور کو اپنی تحویل میں لے لیا اور تحقیقات شروع کردیں۔ امریکی امیگریشن، کسٹم انفورسمنٹ، اور ہوم لینڈ سیکیورٹی انویسٹی گیشن کے ادارے بھی معاملے کی تحقیقات کر رہے ہیں۔

Comments

یہ بھی پڑھیں