ہفتہ, فروری 15, 2025
اشتہار

آفیشل سیکرٹ ایکٹ کے تحت ملک بھر کے لیے اسلام آباد میں خصوصی عدالت قائم

اشتہار

حیرت انگیز

اسلام آباد : آفیشل سیکرٹ ایکٹ کے تحت ملک بھر کے لیے اسلام آباد میں خصوصی عدالت قائم کر دی گئی، عدالت میں ان کیمرہ کارروائی ہو گی۔

تفصیلات کے مطابق اسلام آباد میں آفیشل سیکرٹ ایکٹ کے تحت ملک بھر کے لیے خصوصی عدالت قائم کر دی گئی۔

انسداد دہشت گردی عدالت نمبر ایک کے جج ابو الحسنات محمد ذوالقرنین کو خصوصی عدالت کا جج مقرر کر دیا گیا، ابوالحسنات ذوالقرنین آفیشل سیکرٹ ایکٹ کے تحت مقدمات کی سماعت کریں گے۔

ملک بھر میں ابھی صرف ایک ہی عدالت قائم کی گئی ہے، آفیشل سیکرٹ ایکٹ کے تحت قائم عدالت میں ان کیمرہ کارروائی ہو گی۔

خیال رہئ پی ٹی آئی کے چیئرمین اور سابق وزیراعظم، سابق وفاقی وزراء شاہ محمود قریشی اور اسد عمر آفیشل سیکرٹ ایکٹ کے تحت مقدمات کا سامنا کر رہے ہیں۔

گذشتہ روز صدر عارف علوی نے آفیشل سیکریٹ (ترمیمی) بل 2023 اور پاکستان آرمی ایکٹ (ترمیمی) بل 2023 پر دستخط کرنے سے انکار کیا تھا۔

سماجی رابطے کی ویب سائٹ ٹوئٹر پر اپنے ٹوئٹ میں لکھا تھا کہ ” خدا میرا گواہ ہے، میں نے آفیشل سیکرٹس ترمیمی بل، 2023 اور پاکستان آرمی ترمیمی بل، 2023 پر دستخط نہیں کیے کیونکہ میں ان قوانین سے متفق نہیں تھا۔”

صدر کا کہنا تھا کہ انہوں نے اپنے عملے سے کہا تھا کہ وہ بغیر دستخط شدہ بلوں کو مقررہ وقت کے اندر واپس کر دیں تاکہ انہیں "غیر موثر” بنایا جا سکے۔

اہم ترین

مزید خبریں