تازہ ترین

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

نیوزی لینڈ کے سرکاری جادوگر سے متعلق بری خبر

ولنگٹن: نیوزی لینڈ نے اپنے سرکاری جادوگر کو خیرباد کہہ دیا ہے، حکام کا کہنا ہے کہ ایک جدید رویوں کے شہر میں مزید ان کی ضرورت نہیں رہی ہے۔

تفصیلات کے مطابق نیوزی لینڈ کے سرکاری جادوگر، جو ریاستی کی جانب سے مقرر کردہ شاید دنیا کا واحد جادوگر ہے، کو سرکاری نوکری سے فارغ کر دیا گیا ہے، جس کے ساتھ ایک 23 سالہ ورثے کا اختتام ہو گیا ہے۔

88 سالہ جادوگر، جس کا اصلی نام ایان بریکنبری چینل ہے، کے ساتھ گزشتہ دو دہائیوں سے کرائسٹ چرچ سٹی کونسل نے معاہدہ کیا تھا، تاکہ وہ جادوگری اور جادوگر جیسی دیگر خدمات کے ذریعے اس شہر کی شہرت کا سبب بنے، اس کے لیے انھیں سالانہ طور پر 16 ہزار ڈالرز ادا کیے جاتے تھے، اور اب تک مجموعی طور پر انھیں 3 لاکھ 68 ہزار ڈالرز ادا کیے جا چکے ہیں۔

ایان بریکنبری خود ایک مشہور سیاحتی اٹریکشن کے حامل بن چکے تھے، وہ سیاحت کے لیے آنے والے لوگوں کے سامنے اپنی لمبی لہراتی داڑھی، گھنے بالوں اور لمبی، کالی چادر کے ساتھ اور نوک دار ٹوپی پہنے ہوئے تقریریں کرتا تھا۔

بریکنبری برطانیہ میں پیدا ہوئے تھے، 1976 میں نیوزی لینڈ پہنچنے کے فوراً بعد عوامی مقامات پر جادوگری اور تفریح کے کام کرنے لگے۔

شروع میں پولیس نے انھیں لوگوں کے سامنے تقریر کرنے پر گرفتار بھی کیا، اور جب کونسل نے انھیں روکنے کی کوشش کی تو عوام نے احتجاج کیا۔

1982 میں، نیوزی لینڈ آرٹ گیلری ڈائریکٹرز ایسوسی ایشن نے انھیں ایک زندہ فن پارہ قرار دیا، اور پھر 1990 میں، اس وقت کے وزیر اعظم مائیک مور نے ان سے درخواست کی کہ وہ نیوزی لینڈ کے سرکاری جادوگر بن جائیں۔

نوکری سے فارغ کیے جانے پر ایان بریکنبری نے رد عمل میں کہا کہ بیوروکریٹس قوت متخیلہ سے محروم ہیں، وہ کرائسٹ چرچ کی شہرت کے طریقوں کو بالکل نہیں سوچتے، اور وہ اب میری عالمی شہرت کو استعمال نہیں کرنا چاہتے، میں اس پر مایوس ہوں۔

Comments

- Advertisement -