site
stats
پاکستان

آف شور کمپنی کیس: عمران خان اور تحریک انصاف کو نوٹس جاری

Hudabiya Paper Mills

اسلام آباد: سپریم کورٹ میں چیئرمین تحریک انصاف عمران خان کے خلاف آف شور کمپنی کیس کی سماعت ہوئی۔ عدالت نے عمران خان اور تحریک انصاف کو نوٹس جاری کر دیے۔

تفصیلات کے مطابق سپریم کورٹ نے حنیف عباسی کی متفرق درخواستوں پر عمران خان اور پاکستان تحریک انصاف کو نوٹس جاری کر دیے۔ نوٹس میں پوچھا گیا ہے کہ نیازی سروسز پہلے بنی یا فلیٹ پہلے خریدا گیا۔

دوران سماعت چیف جسٹس پاکستان نے کہا کہ بنی گالہ کے لیے پیسہ کہاں سے آیا یہ عمران خان کو ثابت کرنا ہے۔

چیف جسٹس نے تحریک انصاف کے وکیل نعیم بخاری کو کہا کہ آپ نے خود کہا ادائیگیاں تیسرے فریق کے ذریعے کی گئیں۔ آپ نے اب اس دفاع کو ثابت کرنا ہے، نہ کرسکے تو اس کے نتائج کا سامنا کرنا ہوگا۔

سماعت کے دوران نعیم بخاری نے دلائل دیے کہ جمائما نے بنی گالہ اراضی کی خریداری کی رقم بذریعہ بینک ادا کی، بذریعہ کراس چیک عمران خان نے جمائما کو ادائیگی کی۔

عدالت نے دریافت کیا کہ کیا جمائما کو ادائیگی نیازی سروسز کے اکاؤنٹس سے ہوئی؟

عمران خان کی نااہلی کے بارے میں حنیف عباسی کی درخواست کی سماعت کل تک کے لیے ملتوی کر دی گئی۔


Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top