اسلام آباد: آئل اینڈ گیس ریگولیٹری اتھارٹی (اوگرا) نے ایل این جی کی نئی قیمتوں کا اعلان کر دیا۔
تفصیلات کے مطابق آئل اینڈ گیس ریگولیٹری اتھارٹی (اوگرا) نے جولائی کے لیے آر ایل این جی کی قیمت میں اضافہ کر دیا۔سوئی ناردرن کے لیے ایل این جی قیمت میں 0.34 ڈالر فی ایم ایم بی ٹی یو اور سوئی سدرن کے لیے آر ایل این جی قیمت میں0.40 ڈالر فی ایم ایم بی ٹی یو اضافہ کیا گیا ہے۔
سوئی سدرن سسٹم پر آر ایل این جی کی قیمت6.67 ڈالر فی ایم ایم بی ٹی یو مقرر کی گئی ہے۔
اوگرا نے سوئی گیس کمپنیوں کے ٹیرف میں کمی تجویز کردی
اے آر وائی نیوز کی رپورٹ کے مطابق گزشتہ روز اوگرا نے سوئی ناردرن اور سوئی سدرن کے ٹیرف میں کمی تجویز کی تھی۔ اوگرا حکام کا کہنا تھا کہ ایس این جی پی ایل کے لیے 1287.19 روپے ایم ایم بی ٹی یو کی ڈیمانڈ ہے، ایس این جی پی ایل کے لیے ڈیمانڈ پر 623.31 ایم ایم بی ٹی یو مقرر کیے گئے۔
یاد رہے کہ جون میں سوئی نادرن سسٹم پر آر ایل این جی قیمت6.13 ڈالر تھی جبکہ سوئی سدرن سسٹم پرآر ایل این جی قیمت 6.27 ڈالر تھی۔
