The news is by your side.

Advertisement

یوم آزادی کے موقع پر پٹرول کی قیمتوں کے حوالے سے عوام کیلئے اہم خبر

اسلام آباد : پٹرولیم ڈویژن نے پٹرول کے نرخوں میں 50 پیسے فی لیٹر اضافے کی تجویز دے دی تاہم حتمی فیصلہ وزیراعظم کی مشاورت کےبعدوزارت خزانہ کرے گی۔

تفصیلات کے مطابق پٹرولیم مصنوعات کی قیمتوں میں اضافےکی تجاویز وزارت خزانہ کو موصول ہوگئی ، ذرائع کا کہنا ہے کہ تجاویز پٹرولیم ڈویژن نے ارسال کیں، جس میں ہائی اسپیڈ ڈیزل کی قیمت میں 2روپے50 پیسےفی لیٹراضافے اور پٹرول کے نرخوں میں 50 پیسے فی لیٹر اضافے کی سفارش کی گئی ہے۔

پٹرولیم ڈویژن نے لائٹ ڈیزل آئل کے نرخوں میں ایک روپیہ فی لیٹر اضافے اور مٹی کےتیل کےنرخ بھی ایک روپیہ فی لیٹربڑھانے کی تجویز دی ہے۔

حتمی فیصلہ وزیراعظم کی مشاورت کے بعد وزارت خزانہ کرے گی اور نئی قیمتوں پرعملدرآمد 16 اگست سے ہوگا ، قیمتوں میں اضافےکی سمری موجودہ پٹرولیم  لیوی کےمطابق تیارکی گئی ہے ، لیوی میں ردوبدل نرخوں میں مزیدتبدیلی کاباعث ہوسکتا ہے۔

یاد رہے30 جون کو حکومت نے پیٹرولیم مصنوعات کی قیمتوں میں اضافے کا اعلان کیا تھا ، جس کے مطابق پیٹرول کی قیمت میں 2 روپے فی لیٹر اضافہ کیا گیا ہے جس کے بعد پیٹرول کی نئی قیمت 112 روپے 69 پیسے ہوگئی۔

ہائی اسپیڈ ڈیزل کی قیمت میں ایک روپے 44 پیسے فی لیٹر اضافہ کیا گیا جس کے بعد ہائی اسپیڈ ڈیزل کی قیمت 113 روپے 99 پیسے فی لیٹر ہوگئی تھی جبکہ مٹی کا تیل 3 روپے 86 روپے فی لیٹر مہنگا ہوا اور مٹی کے تیل کی نئی قیمت 85 روپے 75 پیسے فی لیٹر ہوگئی۔

Comments

یہ بھی پڑھیں