The news is by your side.

Advertisement

اوگرا نے سوئی گیس کمپنیوں کے ٹیرف میں کمی تجویز کردی

اسلام آباد: آئل اینڈ گیس ریگولیٹری اتھارٹی (اوگرا) نے سوئی گیس کمپنیوں کے ٹیرف میں کمی تجویز کردی۔

اے آر وائی نیوز کی رپورٹ کے مطابق اوگرا نے سوئی ناردرن اور سوئی سدرن کے ٹیرف میں کمی تجویز کردی، اوگرا حکام کے مطابق ایس این جی پی ایل کے لیے 1287.19 روپے ایم ایم بی ٹی یو کی ڈیمانڈ ہے، ایس این جی پی ایل کے لیے ڈیمانڈ پر 623.31 ایم ایم بی ٹی یو مقرر کردئیے گئے۔

اوگرا حکام کے مطابق ایس این جی پی ایل کی گیس کی موجودہ قیمت 664.25 ایم ایم بی ٹی یو ہے، ایس این جی پی ایل کے لیے ڈیمانڈ سے 106.5 فیصد کم قیمت مقرر کی گئی ہے۔

اسی طرح ایس ایس جی سی کے لیے 881.53 روپے ایم ایم بی ٹی یو کی ڈیمانڈ ہے، ایس ایس جی سی کے لیے ڈیمانڈ پر 750.90 روپے مقرر کردئیے گئے، ایس ایس جی سی کے لیے گیس کی قیمت ڈیمانڈ سے 17.4 فیصد کم رکھی گئی ہے۔

اوگرا حکام کا کہنا ہے کہ قیمتوں میں اضافے کو عالمی تیل کی قیمتوں میں کمی کے پیش نظر مسترد کیا گیا، گیس کمپنیوں نے ریونیو ضروریات کی بنیاد پر قیمتیں بڑھانے کی اجازت مانگی تھی۔

fb-share-icon0
Tweet 20

Comments

comments

یہ بھی پڑھیں