تازہ ترین

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

وفاقی حکومت نے آٹا برآمد کرنے کی اجازت دے دی

وفاقی حکومت نے برآمد کنندگان کو آٹا برآمد کرنے...

وزیراعظم شہباز شریف آج چیف جسٹس قاضی فائز عیسٰی سے اہم ملاقات کریں گے

اسلام آباد : وزیراعظم شہبازشریف اور چیف جسٹس سپریم...

اوگرا نے پیٹرول کی زیادہ قیمتوں پر فروخت کا نوٹس لے لیا

اسلام آباد: آئل اینڈ گیس ریگولیٹری اتھارٹی (اوگرا) نے ہائی اوکٹین پیٹرول کی زیادہ قیمتوں پر فروخت کا نوٹس لے لیا۔

اے آر وائی نیوز کے مطابق آئل مارکیٹنگ کمپنیوں کے گٹھ جوڑ سے پیٹرول غائب ہونے کے بعد اب پیٹرول زیادہ قیمتوں پر فروخت کیا جانے لگا ہے، جس پر اوگرا نے نوٹس لے لیا ہے۔

ترجمان اوگرا عمران غزنوی نے کہا ہے کہ آئل مارکیٹنگ کمپنیز سے ہائی اوکٹین پیٹرول پر وضاحت طلب کی گئی ہے، اوگرا نے ہدایت کی ہے کہ صارفین کے مفاد کے تحفظ کے لیے فوری اقدامات کیے جائیں۔

ترجمان نے کہا کمپنیاں ہائی اوکٹین پیٹرول کی مناسب قیمت مقرر کریں، عالمی منڈی میں پیٹرولیم مصنوعات قیمتوں میں نمایاں کمی ہوئی ہے، صارفین کو ہائی اوکٹین کی قیمتوں میں کمی کا فائدہ منتقل کیا جائے۔

ملک بھر میں پیٹرول کا بحران سنگین صورت اختیار کرگیا

عمران غزنوی کا کہنا تھا کہ مسابقتی کمیشن بھی پیٹرول کی زیادہ قیمتوں پر فروخت پر نوٹس لے چکا ہے۔

یاد رہے کہ پیٹرولیم مصنوعات سستی کے ہونے کے بعد مارکیٹنگ کمپنیوں نے گٹھ جوڑ کر کے پیٹرول ہی غائب کر دیا تھا جس کے بعد پیٹرول کا بحران پیدا ہو گیا، جس پر گزشتہ روز اوگرا نے نوٹس لیا اور آئل مارکیٹنگ کمپنیوں کو شوکاز نوٹس جاری کیے گئے۔

تاہم کراچی سمیت ملک بھر میں پیٹرول اور ڈیزل کا بحران جاری ہے، چئیرمین آل پاکستان پیٹرولیم ریٹیلرز ایسوسی ایشن سمیر نجم الحسن کا کہنا ہے کہ آئل کمپنیوں کے پاس صرف 3 روز کا اسٹاک رہ گیا ہے، مسلسل کوٹے میں کمی ہو رہی ہے اور نیا کوٹا خریدا نہیں جا رہا، پی ایس او کے علاوہ کسی بھی آئل کمپنی کی جانب سے تیل کی خریداری نہیں کی جا رہی جس کی وجہ سے اتوار تک صورت حال مزید خراب ہو جائے گی۔

Comments

- Advertisement -