The news is by your side.

Advertisement

امریکا: فائرنگ کے واقعات پر شہری حکومت پر برہم، گورنر کی تقریر کے دوران نعرے بازی

واشنگٹن: امریکا میں حالیہ فائرنگ کے نتیجے میں درجنوں افراد کی ہلاکت پر شہری حکومت پر شدید برہم ہوگئے، اوہایو کے گورنر مائیک ڈیوائن کے خطاب کے دوران خوب نعرے بازی کی۔

تفصیلات کے مطابق دو دن قبل دو امریکی ریاستوں ٹیکساس اور اوہایو میں فائرنگ کے واقعات ہوئے تھے جن میں تیس افراد ہلاک اور درجنوں افراد زخمی ہوگئے تھے۔

غیر ملکی خبر رساں ادارے کے مطابق ان واقعات کے بعد امریکی باشندے خوف کا شکار ہیں، اور حکومت سے مطالبہ کررہے ہیں کہ وہ فوری طور پر اقدامات اٹھائیں اور معاملے کی سنگینی پر غور کریں۔

امریکی ریاست اوہایو میں ہلاک ہونے والے افراد کے اعزاز میں ایک تعزیتی تقریب منعقد کی گئی جس سے خطاب کرتے ہوئے ریاست کے گورنر مائیک ڈیوائن کو کافی مشکلات کا سامنا کرنا پڑا۔

امریکیوں کو سفید فام بالا دستی کی مذمت کرنی ہوگی: ڈونلڈ ٹرمپ

شرکاء نے خطاب کے دوران ہی نعرے بازی شروع کردی اور مطالبہ کیا کہ ’’do something ‘‘ یعنی ’’کچھ کرو‘‘ ۔ شہریوں کا کہنا ہے کہ وہ حالیہ واقعات کے بعد خود کو محفوظ نہیں سمجھتے۔

دوسری جانب امریکا میں قتل عام کے واقعات پر امریکی صدر ڈونلڈ ٹرمپ نے عوام سے خطاب کیا، اس موقع پر انھوں نے سفید فام بالا دستی کی سخت مذمت کی۔

ان کا کہنا تھا کہ قتل عام کے واقعات کا سبب نفرت اور دماغی امراض ہیں اسلحہ نہیں۔ صدر ٹرمپ نے قتل عام میں ملوث افراد کو فوری سزائے موت دینے کی تجویز بھی دے دی۔

Comments

comments

یہ بھی پڑھیں