جدہ: اسلامی تعاون تنظیم (او آئی سی) نے مقبوضہ کشمیر میں بھارتی فوج کی اضافی تعیناتی پر تشیوش کا اظہار کرتے ہوئے لائن آف کنٹرول پر پاکستانی شہریوں کی شہادت پر افسوس کا اظہار کیا۔
تفصیلات کے مطابق مقبوضہ کشمیر میں بھارتی مظالم پر پاکستان کی سفارتی کوششوں کا اثر سامنے آنے لگا کیونکہ او آئی سی نے مقبوضہ کشمیر میں بھارتی فوج کی اضافی تعیناتی پر تشویش کا اظہار کردیا۔
او آئی سی کی جانب سے جاری کردہ اعلامیے میں کلسٹر بموں کے استعمال پر تشویش کا اظہار بھی کیا گیا جبکہ لائن آف کنٹرول کی خلاف ورزی اور شہریوں کی شہات پر دکھ کا اظہار کیا گیا۔
مزید پڑھیں: او آئی سی کشمیر میں گھمبیر صورت حال کا فوری طور نوٹس لے: شاہ محمود
اسلامی تعاون تنظیم نے مقبوضہ کشمیر کے عوام کے ساتھ اظہار یکجہتی کی اور اقوام عالم سے مطالبہ کیا کہ وہ مقبوضہ کشمیر کے حل کے لیے اپنا کردار بھرپور طریقے سے ادا کریں۔
The OIC reiterates its call upon the international community to rise up to its responsibility for the peaceful resolution of Jammu and #Kashmir dispute through the democratic method of a free and impartial plebiscite in accordance with relevant UN Security Council resolutions.
— OIC (@OIC_OCI) August 4, 2019
اعلامیے میں مطالبہ کیا گیا کہ اقوام متحدہ کی قرارداد کے مطابق کشمیریوں کو حق خود ارادی دی جائے۔